仔仔爸一直想食印度餐，有朋友介紹佢去呢間食，其實都好近屋企，就係World Trade Centre附近
咁啱呢日姑仔帶個女出o黎唐人街睇醫生，所以叫埋一齊食，其實多啲人食又可以叫多幾款試仲正
啲嘢食係阿姐點，我都唔知叫咩
三文魚
羊肉
咖喱鷄
蝦
係餐廳都望到世貿中心
其實啲嘢食都唔錯，只有兩三樣 sauce 有啲辣
食飽飯，仔仔爸車我同姑仔返屋企先，佢就車阿姐、男友、表姐去食生果雪條，但後來佢哋去咗食刨冰
食完佢哋仲去咗間意大利餅店買Cake
仔仔爸買咗幾件返o黎比我食，今朝攞o黎做早餐
上個星期日，阿姐個契媽話未去過新世貿中心，叫我陪佢行吓，但嗰日落雨，天氣咁差，梗係唔會比錢上頂樓睇風景啦，唯有下次再去過
之後契媽話要去St. Mark 某酒舖買日本梅酒，叫我帶佢去，見去開St. Mark，我就帶佢去上次阿姐帶過我去嗰間泰菜食Lunch set，因為之前聽契媽話想食泰菜，順道預早大家一齊慶祝母親節
今年阿姐送咗兩份母親節禮物比我
呢份係幫啲愛護動物組織買的，又可以氹阿娘，又可以做善事
呢份係阿姐叫個小學同學幫手畫，個同學仔唔知Charco仔係短尾，畫到佢條尾好長
可能各位睇呢篇Blog時已經過咗母親節，不過都唔緊要啦，都祝各位母親節快樂
仔仔媽, 母親節快樂!
回覆刪除話咁快阿姐畢業啦
阿姐叫個小學同學幫三貓, 幾似樣!
母親節快樂，時間真係過得好快，眨吓眼就4年，我最鍾意天師仔嗰張，仔仔爸鍾意Marble仔嗰張
刪除阿姐咁快就畢業嗱 O_O, 時間過得真係快
回覆刪除阿姐咁孝順, 你日日都可以係母親節 hehe
話咁快就4年，阿姐都算錫我，都係間唔中只會發吓小姐脾氣
刪除個印度餐好似幾正咁bor,俾妳搞到我都心思思想食添，嘻嘻!
回覆刪除阿姐畢業，妳會唔會放假陪下佢去玩下呀?
印度餐都幾好味，不過味濃重口味，間唔中食吓就可以
刪除之前就係諗住一畢業就要快快搵工做，咁多人同時畢業，要爭吖嗎，所以至安排舊年返香港玩咗兩個月，而且佢畢業後，要返學校幫個教授做埋個research，比宿舍佢住，幫手係lab做助手，做6個星期，咁之後再算啦
HAPPY MOTHER'S DAY !!!
回覆刪除恭喜晒, 終於等到阿姐畢業
不如今年又黎番個畢業旅行來HK (^^)
今次睇到我流口水唔係D食物
而係果2份禮物, 好靚靚呀!!!
眨吓眼就讀完，阿姐畢業後，仲要返學校幫個教授做埋個research，比宿舍佢住，幫手係lab做助手，做6個星期，依家至買機票好貴喔，而且一畢業就要快快搵工做啦，咁多人同時畢業，要爭吖嗎，阿姐送啲禮物都好有心思
刪除阿姐都好錫佢阿娘呀
回覆刪除佢會唔會繼續進修?
阿姐都算乖，如果自己比錢就唔再讀碩士，希望搵到工，間公司肯俾錢佢讀碩士至會讀，佢讀呢四年都已經用咗十萬美金
刪除阿姐終於搬返嚟, 以後多個伴躝街!母親節禮物好有意思!呢間印度舖好正, 睇落好正宗。我都好中意印度餐, 但次次食完個人都好大陣味...hahaha
回覆刪除阿姐行完畢業禮仲要返學校幫個教授做埋個research，比宿舍佢住，幫手係lab做助手，做6個星期，想結伴躝街又要延遲，印度餐都幾好味，不過味濃重口味，間唔中食吓就可以，我見都有印度人去食
刪除新世貿中心係咪一樣咁高？
回覆刪除應該都係一樣咁高，但得一楝，其他地方整咗兩個水池紀念啲死難者
刪除咁快4年la O.O 阿姐前途無限，一定搵到好老闆，俾埋錢佢讀碩士 ^ ^
回覆刪除3張畫都好靚呀 ^~^
如果佢想讀，我挖晒啲私己錢都會比佢讀，我最鍾意天師仔嗰張
刪除大家都母親節快樂^0^,有尾的Charco仔也蠻可愛呢!!
回覆刪除Charco仔呢張就畫得唔太神似
刪除祝每個母親日日都快樂！
回覆刪除阿姐係度我咪快樂囉
刪除時間真係過得好快，幾時先話入大學，家陣畢業啦😊
回覆刪除係啦，四年眨吓眼就過
刪除畫得超靚呀！😻勁叻！👍母親節快樂！💟💞💝
回覆刪除母親節快樂
刪除大學畢業以後就可以搬返屋企住啦
回覆刪除佢可能搵到工係康州，搬去同男朋友仔度住
刪除係康州返屋企要幾遠呀??
刪除都要成兩個鐘
刪除多謝，開始有時間巡Blog了嗎
回覆刪除好sweet啊！有個咁乖嘅女 *_*
回覆刪除佢都算係咁啦，有時都會發吓脾氣
刪除