費城長木公園 (Part 1)

近呢幾年我哋好興襯勞工節假期，約埋幾個Family 一齊去玩兩至三日，但今年阿姐將會用呢幾日假期陪男友仔返賓州探佢公公婆婆，因為佢婆婆近來成日出入醫院，要返去睇睇

而且大伯娘話只有呢個星期至有時間去玩，所以就Plan 呢個星期去，但最後大伯娘一家最後都無同我哋一齊去，叔叔個女又約咗見醫生，又無得去，所以最後得返姑仔同表妹去

如果去兩三日嘅話通常仔仔爸都唔會去，因為佢要留係屋企照顧貓地，所以姑姐、表妹、阿姐、男友仔，星期六先Join埋去費城自己玩，到星期日仔仔爸再載我一齊出發去長木公園Join 佢哋

一直以o黎，仔仔爸都想去長木公園行吓，所以阿姐特登揀去費城就仔仔爸

初時以為阿姐會自己直接去費城，點知星期五佢call 返o黎話先返o黎過夜，因為紐約出發又近啲，唔想一次過揸咁長途，佢哋食埋晚飯至返，所以佢哋返o黎時都已經超過10 點

一返到o黎，得Charco仔黐阿姐

阿姐話奇哥仔只黐男友仔，唔肯黐佢，阿姐嬲嬲豬

好喇，開始講返長木公園(Longwood Gardens)之旅

門口都有花花草草睇

先行入去精品店行吓，都有盤栽植物賣

先去一去厠所，方便完先至入塲，連厠所裡面都整到咁靚

一入到去，好開揚，環境好靚好舒服

行過少少見到個池，見到有仲有尾嘅青蛙，水裡面有大青蛙

有雀

再行見到第一間樹屋

由樹屋望出去，面對住一個湖好靚o架，仲放咗啲椅比人休息欣賞風景

見到得意嘅植物

行到去湖旁邊，又係另一景色，有噴水池

之後經過一條木橋，橋下係沼澤，橋上有啲細細個好得意嘅昆蟲塑像

過咗條木橋就見一大遍長滿長草嘅草地，有幾條小徑行入去
 

有小花，有蜜蜂

途中會經過兩個休憩亭，亭裡面都有嘢睇

另一個休憩亭

亭頂有好幾個小蜂巢

其實上個月阿姐同男友仔已經o黎過一次，佢話上次o黎時係呢啲小徑見到好幾隻野生兔仔，仲唔係太怕人，好得意

可能當日比較曬，所以啲兔仔唔出o黎

行出大草地後，沿途景色

經過第二間樹屋

 

第三間樹屋

買嘢食嘅地方，因為趕住去睇音樂噴泉Show，所以想買啲小食都無時間

長木公園真係好大好靚，所以影咗好多相，要分兩Part 至得呢