每次見阿姐返o黎，我都會換過晒啲床單、枕袋被袋，天師仔又去嘗新
阿姐一返到，最乖係奇哥仔，好識 do，坐係阿姐大髀冧阿姐
Chewy 又唔認得阿娘，但第二朝，佢又去昅住阿娘瞓醒未
男友仔鍾意食唐人點心，原本仔仔爸都打算帶佢哋去飲茶，因為開咗間新o既點心店，有啲點心仲好得意，不過價錢就比較貴，不過一次半次，無所謂啦
之前點心店開張時，將啲雕花西瓜放係門口比人欣賞
最貴呢個鮑魚燒賣
灌湯蝦餃，我覺得好搵笨，唔係灌湯餃，只係將隻蝦餃放入湯，啲湯似普通雲吞湯
貪佢得意o既豬仔甘筍包
仲有一籠普通燒賣，八碟點心，連小費就$50
仔仔爸話之前見舖頭都有得意包仔，呢個係流沙包，要自己蒸番熱食
飲完茶，男友仔要買鹽酥雞食，睇，隻為食Marble仔又昅實晒
出發去表姐屋企前，阿姐抱吓Charco仔，阿姐話佢好乖，比佢抱咗好耐，阿姐投訴話今次Marble 仔無黐佢喎
之前仔仔爸整過辣辣咖喱魚蛋，個個都話正，所以今次又繼續整“明記咖喱魚蛋”，兼派街坊
去到表姐屋企，Party 食物，有外賣，有Home made
繼上次買燒鴨做片皮鴨，今次搞“生化武器”，就係榴槤
因為上次聽到表姐奶奶、二姑奶都鍾意食，所以今次買咗一箱，但二姑奶臨時又唔o黎，表姐奶奶食過話好正呢，但表姐係唔食榴槤，落咗命令，叫佢奶奶唔准係屋企食
大家一邊食嘢，啲小朋友、大朋友一邊去游水
游完水，阿姐話去睇貓，又行去表姐屋企附近間屋，未行到埋去，離遠已經見屋主綁咗隻黑貓係前yard
原來仲有一隻黑貓係草叢後面
睇Marble仔對住個榴槤係咩反應
Marble仔︰咦，咁臭o既，呢個係咪生化武器o黎架😄😄
其實佢都唔怕，仲猛咁咬個網
換過晒啲床單、枕袋被袋 <--- 媽媽真係最貼心，我諗我第時都會係咁~不過其實我好憎換床單 ><"""
回覆刪除阿姐男友吃鹽酥雞，識食啊~
咁平時阿姐唔係度，佢張床係我瞓，咁佢返o黎，我當然要換過晒啲乾淨的
刪除阿姐男友仔好鍾意食鹽酥雞，食完呢包，佢唔夠喉去攞車前又去買多包，佢好鍾意食唐餐
我都頂唔住呢D生化武器
回覆刪除我同意個灌湯餃勁搵笨
以前奶奶係屋企我哋無得食架，佢好怕陣味
刪除直頭係搵笨實啦
榴蓮我都怕怕!
回覆刪除阿姐都鍾意食o架
刪除貓貓都對榴槤有興趣呀？
回覆刪除無呀，其實都無咩大反應，八吓就走
刪除我的濕疹搞到我呢兩年唔敢掂生化武器
回覆刪除咁妳啲濕疹都應該幾嚴重，食少少都唔得?
刪除依家好多酒樓的灌湯餃都係湯在外邊, 不過用蝦餃又實在太過份. 小時候的灌湯餃, 一口咬下去才流出湯汁, 最好食.
回覆刪除真係好過份，以前啲灌湯餃同依家都唔一樣，我呢度仲無灌湯餃食o忝
刪除灌湯蝦餃好攪鬼！
回覆刪除超搵笨，呃鬼佬的
刪除好溫馨，睇得好開心！😻
回覆刪除多謝
刪除灌湯蝦餃真係好揾笨呢 , 咔咔~!!
回覆刪除係極搵笨
刪除