Mango 曳曳

平時我係房用緊電腦嘅時候，啲貓地會走上嚟阻住唔比我用腦，天師仔會乖乖的坐係我面，通常佢搵我多數都係想我幫佢拍屁屁，R吓下巴，或者想我餵佢食乾糧

依家Mango 仔都會搵嚟我，不過我唔知佢搵我做咩

有時可能想提我差唔多夠鐘開罐罐呱

佢最鬼衰嘅係，佢又唔比人摸，一摸佢就郁手，又郁嚟郁去，又會high 到keyboard 啲掣，成日比佢搞到我個畫面Up side down，真係比佢激死

上次去我姑仔屋企，姑仔俾咗一個架我，我唔用個keyboard 嘅時候，可以收埋係架低

依家一見佢跳上，我即刻收返埋個keyboard，以後就唔怕佢哋會郁到啲掣了

但呢隻Mango 仔真係好曳曳的，我家五貓都唔會咬紙皮，但呢隻衰嘢就最鍾意咬紙皮，比佢咬到一地紙皮碎

每日要整兩餐罐罐比貓地食，當我係廚房準備緊，貓地又會係廚房等食，隻Mango 仔成日係我背後蝦其他大佬

Marble 仔成日都比佢蝦，真係好慘慘豬，呢隻衰仔真係好鬼曳