星期五晚阿姐放咗工就揸車返嚟,呢排阿姐公司好忙,佢成日都要開OT,所以呢晚佢都晚返嚟,唯有留飯餸比佢,Mango 仔好乖等阿姐堆枱食飯
到星期六中午我陪阿姐去St. Mark 嗰間日本Market 買啲嘢,就返唐人街同阿姐high tea,呢間一直想嚟試,上一次阿姐返嚟時行過見佢開番,所以今次就嚟試吓
個紫薯千層蛋糕成$10,仲貴過Lady M,但好好食
之後就返屋企,阿姐繼續煲佢嘅韓劇,奇哥就嚟黐實阿姐
較早前敏姐同仔仔爸講就嚟中秋,想搵我哋出去食飯做節,仔仔爸見阿姐返咗嚟,就搵埋敏姐食飯,雖然依家唐人街都有戶外用餐區
但成日覺得唐人街好污糟,所以仔仔爸決定買order 返嚟食,我只係滾咗個冬瓜湯
到咗星期日,係屋企食完早餐,阿姐又煲住劇等阿姐新男友仔揸車過嚟
Marble 仔係阿姐旁邊瞓覺,見到Marble 仔發夢腳震震
新男友仔到了,阿姐落樓join 佢,再同男友仔行吓唐人街,去超市買即食麵,又去買鹽酥雞食,買齊嘢,阿姐帶男友仔上嚟,男友仔一入屋,Mango 仔就好熱情咁去招待人,平時唔鍾意人摸的,但就唔介意比新男友仔摸,仲好鬼enjoy
奇哥又嚟打招呼
Mango 仔真係好鍾意男友仔,仲黐到佢實一實,我話唔知係唔係Mango 個前主人都係西班牙人呢,所以一見佢就好有親切感﹖Mango 仔仲要不停討摸
因為我哋仲未夠鐘食飯,所以係屋企坐到夠鐘至出門口,男仔友好攰呢,比佢瞓吓啦,Mango 仔又陪住佢瞓埋一份
咁我哋就早啲出去食飯啦,等佢哋可以早啲返屋企,出門口時,男友仔好鍾意Mango 仔,Mango 仔又多個忠實fans 了
之前阿姐成日問我生日飯想食咩,我話妳幫我諗啦,佢話見有個Youtuber 介紹食菲律賓菜,問我有無興趣,我睇過話都好吖,去試吓;囉,餐館係正Subway 軌旁,有Subway 行過就好嘈傾唔到計
我哋就坐係呢度
食咗個Youtuber 介紹嘅炸魷魚
由仔仔爸負責剪魷魚儀式
呢個原本我以為係咖喱牛尾,原來呢個係花生醬牛尾,食食吓都覺得啲花生醬有啲“漏”,不過都好味
原本想叫個棷子湯,但佢呢日無棷子,所以叫咗呢個薑雞湯
個Youtuber 仲介紹咗係隔離呢間有甜品食,所以我哋唔叫咁多嘢,想留肚食甜品,不過最後睇咗Menu 又覺得無嘢啱食,所以就走了,其實我都已經有啲飽
車返佢哋返屋企樓下攞車,就同佢哋say good bye,都唔知下次幾時至見到阿姐
真係唔知菲律賓有特色小菜。 MANGO咁快見異思遷架。
回覆刪除估唔到佢咁like 男友仔
刪除Mango 仔搶哂鏡
回覆刪除依家個個都鍾意佢
刪除Mango仔呢招簡直係殺手鐧,一出就冧C人!
回覆刪除雖然件千層蛋糕好貴,但最緊要好食!
估唔到佢咁冧男友仔
刪除個千層酥都好好食
Mango仔真係好喜歡阿姐男友喎!
回覆刪除估唔到咁like 佢
刪除