今年十月初就已經開始比較涼,但Building 又無咁快有暖氣,所以要攞張毛毡出嚟,係廳睇電視時保暖,張毛毡一出,屋企嗰三隻最重嘅貓就成日嚟黐住
Mango 仔霸唔到我個大髀位,點都要黐住張毛毡
就算我唔坐係梳化,佢都鍾意瞓住張毛毡
瞓到咀郁郁
佢一見我舖張毛毡上大髀,就即刻跳上嚟
平時Marble 仔唔會走上貓樹,但佢見到我個大髀位比Mango 仔霸咗,就死死氣走上貓樹位好慘咁昅住
Marble 仔仲好精,夜晚仔仔爸會開電暖爐瞓,佢就走上床暖暖爐
奇哥佢呢就唔鍾意瞓毛毡,佢每次想黐我,但見我冚住毛毡,佢只會瞓係旁邊,係毛毡度搓手手
而Minnie 佢本身都唔會走上梳化,呢排凍咗,早晚佢就返房張電腦椅度瞓
見到呢張相,其實證明Marble 仔都未必係為咗張毛毡至黐我,佢真心想黐住阿娘我
天氣一凍,天師仔就成日打乞痴,驚佢會冷親,一見佢瞓覺就幫佢冚毡,但佢不嬲都唔鍾意冚被,一冚咗佢又好快走番出嚟,情願瞓地下
呢幾日天師仔又狂打乞痴、流鼻水、又鼻塞,上次睇完醫生打咗枝針,已經好轉,一再凍番就番發,尋晚同今朝佢仲唔肯食嘢、飲水,只鍾意飲罐頭汁同雞汁,又要約時間帶佢睇醫生,每年天氣一轉凍,天師仔就會咁,我本身又怕凍,真係好唔鍾意冬天
Marble 仔虎視眈眈個樣好搞笑呀,如果佢咁想癡我,一定冧C!
回覆刪除天師仔要好好保重自己呀,阿娘幫你冚被,你乖乖唔好走去啦,好嗎。:)
咁多貓都鍾意黐住我,真係好冧架
刪除今日睇咗醫生喇,4點嗰餐佢連雞汁都唔肯飲,一睇完醫生返嚟無耐,就扭嘢食,留咗雞汁比佢,佢都好快飲晒,好彩今日book 到睇醫生,唔係聽日Thanksgiving又無得睇,又要捱多日,佢唔鍾意冚被真係無得迫
互相取暖, 超溫馨~~
回覆刪除天師仔好D未呀?
咁多貓都鍾意黐住我,真係好冧架
刪除今日睇咗醫生喇,4點嗰餐佢連雞汁都唔肯飲,一睇完醫生返嚟無耐,就扭嘢食,留咗雞汁比佢,佢都好快飲晒,好彩今日book 到睇醫生,唔係聽日Thanksgiving又無得睇,又要捱多日
哈哈,又有我最愛的Mango 仔
回覆刪除知妳實鍾意
刪除暖氣是中央的?要怎樣才開始供應?
回覆刪除暖氣係中央的,通常10月中至開始,仲要外面氣溫有咁上下凍至會有
刪除