自從肺炎疫情開始,我姑仔都係WFH,只係間中會返吓公司,平時係屋企WFH,佢都盡量少出街,姑仔星期五call 我,佢話星期六要攞架車去換油,佢係Facebook 啲紐約美食group 度見到話係Staten Island 有間餐廳啲嘢食幾得,服務又好,又話好耐無見叔仔個女,間餐廳就係小嬸屋企附近,所以諗住換完油,就約叔仔個女一齊去食個lunch,佢換完油先出嚟唐人街接我,再去Staten Island 小嬸屋企接佢
呢間餐廳個招牌係食海鮮,但係佢裡面又有日本餐食
食lunch 就無謂食海鮮啦,而且表妹有海鮮敏感又唔食得,所以我哋全部都係食日本嘢
間餐館係香港人開的,佢仲有港式奶茶,係個group 度啲人就話個港茶好正,所以我同姑仔都試吓,老細仲親至係我哋面前沖奶茶呢
杯港茶好濃,真係好正
老細其實仲有做唐餐,但佢無特定餐牌,係啲熟客叫開至有,我覺得好有深夜食堂feel,哈哈,呢張Menu 都係個老細send 比我姑仔,啲鹽焗雞呀、扣肉都要預先訂至有得食
姑仔話佢之前嗰晚,都係自己整壽司食
我哋一路食lunch 一路傾,食完送叔仔個女返屋企又再繼續傾,姑仔話佢啲貓地成日霸晒啲洗衣籃嚟瞓覺
啲籃唔夠分,姑仔又買多幾個返嚟
姑仔話屋企細喎,搞到貓地要迫埋一齊瞓,我就話佢哋好好感情就真啦,我家啲貓都唔會黐到咁實一齊瞓
Set 咗間新屋比Angie
Nicole 仔都有貓抓床
尋日又要去幫啲貓寶貝入貓砂、貓糧貨,順便去Food Court 食埋lunch
個food court 雖然開番,但有一半舖頭都無開,以前啲枱放得好密,依家就好稀疏,要保持一定距離,每張枱都有枝搓手液,都算好貼心
原來你姑仔都係貓痴 ^^
回覆刪除佢都係養咗第一隻之後至開始咁愛貓
刪除幾隻貓寶貝黐實瞓嘅畫面好治癒呀!
回覆刪除我地food court就仲有好多舖有開,但枱櫈就得番10%到。
好羨慕佢啲貓咁close,見啲food court開番,下次去入貨又可以食埋至返屋企,唔駛再買外賣返去食
刪除貓貓鍾意瞓籃,好似瞓BB床咁,好得意。
回覆刪除仲有咁多軟綿綿墊底,佢哋更加鍾意
刪除有港式奶茶飲真好!
回覆刪除咁好飲,可惜咁鬼遠
刪除