團聚

之前講過阿姐每到weekend 會去新男友仔屋企過夜，因為新男友仔屋企又有兩隻大狗，而且佢又有貓毛敏感，所以唔可以即刻帶埋M & M、S & S 去新男友仔屋企住，原先打算搵屋搬至齊齊搬埋一齊，但要搵地方搬都唔係一時三刻可以搵得到，加上Ex 男友仔又已經搵到新女朋友，阿姐覺得再留係Ex 男友仔屋企唔係咁方便，而且阿姐已經搵到份新工，係Ex 男友仔屋企返新工，路程好遠，佢哋諗諗吓，將來貓狗始終都係要一齊生活，新男友仔都要習慣對貓毛敏感，所以前日阿姐就帶咗四個女返男友仔屋企

帶四個女返去之前，阿姐都準備咗啲嘢，四貓會先住係睡房，平時Rocky & Rose 係唔可以入睡房，咁阿姐就買咗個欄杆，隔開貓狗，但又可以比貓狗見到嗅到，為咗裝個欄，要鋸開房門

四粒孫一去到新環境都好驚，尤其係Mittens，連平時唔friend 嘅S'mores 都黐實Mittens

同我估計一樣，Macy 最快唔驚，好快就八八卦卦

 

連Sundae 都好快唔驚，仲週圍探索

睇下Macy 嗰晚就上床陪新爹哋瞓，S'mores 都唔再匿係床底

尋日一早阿姐就起身，佢要去喵喵屋企接喵喵主人兩公婆，車佢哋去機場 ，佢哋去韓國一個月，因為喵喵媽咪係韓國人，阿姐同喵喵、Tubu 玩咗一陣，見喵喵個樣老咗好多呢

送完喵喵主人去機場，阿姐返嚟屋企一陣，因為我之前叫佢幫我買咗啲貓罐頭，順便攞返嚟，阿姐想同Mango 仔影啲相，send 比Mango 仔啲fans 睇，但Mango 仔一直係貓屋度瞓覺唔睬阿姐，奇哥仔就去坐實阿姐，唔比阿姐走，哈哈

呢段時間，新男友仔send 咗啲相比阿姐睇

當阿姐返到屋企， 見到Macy 仲陪住新爹哋瞓覺

今朝一早阿姐send 嚟嘅相

新嗲哋同狗狗都要多啲接觸貓貓

 阿姐話到依家Mittens 都仲係匿係床底唔敢出嚟呀陰公，希望佢都可以快啲適應新屋企啦

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

新男仔係Game Shop 度做part time，佢幫個朋友訂咗部PS 5，上個weekend，阿姐就幫手送部PS5去朋友屋企，途中部車要去叉電，阿姐又順便去個厠所，佢行入Pet Smart 同啲代領嘅貓咪玩