狗狗去街街

阿姐今日就返新工，阿姐先會返嚟紐約Training 幾個星期，阿姐有個年紀比較大嘅同事，好錫阿姐，當阿姐係女咁，所以見阿姐就嚟走，前日搵阿姐食Lunch，咁老同事叫阿姐帶埋狗狗出嚟食飯，之前講過阿姐只會帶Rocky 一隻出街，一來Rose 唔鍾意出街，二來阿姐都驚自己handle 唔到兩隻大狗，但老同事之前都養過大狗，佢話可以幫手睇住

難得Rose 又肯跟阿姐出街

先帶2R 去老同事屋企附近放吓電先

2R 玩得好開心呢

阿姐話康州因為疫情都有啲緊張，啲餐館都開始收緊， 咁阿姐話不如去老同事屋企食飯，2R 一去到人哋屋企，先比水2R 飲

咁啱老同事個女因為感恩節，返咗去同父母慶祝，阿姐話Rocky 走埋去靚女度比靚女摸，一臉得戚，哈哈

老同事個太太都好鍾意呀姐，佢行街見到呢樣嘢就諗起阿姐，所以買咗嚟送比佢

阿姐尋日返嚟紐約，但佢先搵咗個朋友食飯，食埋糖水至返屋企，佢買咗個芋圓甜品比我食