前晚零晨呢度開始落雪,尋日朝早見到都未算好大雪
後來就越嚟越大雪
仔仔爸話已經有一呎,因為落大雪嘅關係,仔仔爸都好早就收工
其實早幾日都落過吓雪花,啲雪花飄係仔仔爸個車窗度,好靚呢
屋企啲暖氣又唔夠喇,間房個電暖爐都唔敢閂,好彩幾隻貓地好醒,係房瞓取暖,尤其係天師仔
Marble 仔繼續瞓係梳化,我就幫佢冚被
Mango 仔識瞓係貓樹底張貓床度
Minnie 就匿係貓屋入面瞓
Charco 就瞓電腦椅
Chewy 就匿係被底瞓
我都放定一個細電暖爐係厠所,天師仔想匿係厠所嗰陣都無咁凍
尋日阿姐放假,朝早阿姐帶Mittens 出去玩雪呢
我覺得雪地上嘅貓腳印好可愛呢
之後阿姐放Rocky 出去VV
但Rocky 只掛住食,哈哈
尋晚貓地食完晚餐無耐,有5 隻貓入房暖住瞓
啲雪一直落到夜晚,但夜晚啲雪已經細咗好多,而且唔知幾時已經停咗,今朝見剷雪都剷得好快
最頭痛係成日唔夠暖氣,已經打電話去投訴,都無人理,最驚係冷親啲寶貝,唉
佢哋入哂房,上埋床,嘆暖氣,真係識享受呀。
回覆刪除佢哋識搵暖既地方取暖,我就放心,真係好驚佢哋會冷親
刪除貓狗好醒
回覆刪除不用擔心凍親
其實識捐入被竇就最暖,不過唔係隻隻鍾意瞓被竇入面
刪除可以4貓同床,都好犀利!淨返最年青嘅Mango同Minnie唔怕凍,繼續做廳長?
回覆刪除4隻一齊瞓床呢個畫面真係好難得,可能佢哋又唔覺太凍啦
刪除開左暖爐, 唔怕D心肝寶貝凍親
回覆刪除係呀,佢哋肯自動自覺入房取暖,真係好安慰
刪除天師咁凍仲係厠所?!
回覆刪除小心凍親呀!
唔知點解佢唔舒服鍾意留係厠所,所以之前比衫佢著,依家放埋暖爐比佢,就係怕佢再冷親
刪除黑貓在雪地好正!
回覆刪除不過阿姐話佢都唔係好enjoy,好快想返屋企
刪除