阿姐之前住間屋,真係又細又唔得光猛,仔仔爸都話,貓地都無咩地方走動,貓地一食飽就上床瞓覺,想唔肥都幾難,所以我哋成日都催佢哋去睇屋
隻隻貓地都肥嘟嘟,尤其係Macy
S'mores 個身型都唔弱
佢哋係舊屋住咗一年,初時四貓成日匿係房入面
Sundae 就最細膽,成日匿係房,黐住爹娘
又要開始同2R 相處,初時Rose 比較驚貓地,會匿係籠度唔出嚟
最叻都係Mittens 最先走出房間同2R 互動
Mittens 至從走出房間就唔再返入房,只係食乾糧、飲水,去厠所至會返入房,我有同阿姐講叫佢放個貓厠所係廳畀Mittens 用,但阿姐話Rose 好核突,佢會去搵貓屎食,所以唔可以放貓厠所係廳或者係厠所入面,後來阿姐有朋友有個冰屋型嘅貓厠所唔要比咗佢
飲水方面,Mittens 會去飲2R 嘅水,後來佢地會一齊飲
Mittens 係最外向,所以有時都會比佢出去門口度行吓
阿姐開始係廳度砌Puzzle 之後,其他三貓都多咗出廳活動
連Sundae 都開始出嚟
阿姐話後來Macy 自己走入狗籠,佢都唔再驚
阿姐幾個月前,好友結婚做姊妹,係婚宴接到新娘條襪帶,攞嚟畀Macy 扮靚
依家新屋有自己個大yard,應該都會少咗帶2R 出街,而且Rose 係唔鍾意去街的
而且去完街仲要沖涼
四貓兩狗終於有間大屋住,真係好戥佢哋開心,阿姐都話間屋其實係買畀佢哋住的
最緊要住得開心
回覆刪除其實有主人愛錫已經開心啦
刪除兩隻狗狗都好大隻喎
回覆刪除成7、80磅,比著我我唔會養大狗
刪除最緊要貓狗都生活得舒服同開心,阿姐同男友仔又有私人空間。
回覆刪除其實有主人愛錫已經開心,加埋多啲地方、好啲既環境,就更加very good啦
刪除新屋多咗地方毛孩舒適得多了。
回覆刪除係呀,人貓狗都住得舒服
刪除動物同人都要有空間去舒展身心,買新屋係極需要嘅。
回覆刪除以前舊屋除咗地方細,我覺得唔光猛都好唔舒服
刪除