尋日係感恩節假期,姑仔話無節目,見阿姐啱啱搬入新屋,不如去阿姐間新屋度睇吓
一入屋,Macy 係度唔怕羞
Sundae 係房張床上面,S'mores 就係入牆櫃入面自己張龍床度
Rocky 見到我哋超興奮
我帶咗2R 出個yard 度玩波波
阿姐間屋除咗睡房同個Basement setup 好之外,其實個廳同另一間房都仲未買傢俬佈置
大家聽吓,仔仔爸見到隻肥Macy,好鬼肉緊,哈哈
Rocky 見到我哋,成日想我哋同佢玩
公公乘機幫忙剪指甲
Mittens 一直匿係張餐枱底櫈度
Sundae、S'mores 都係一直係房,無出過房門
阿姐二姑媽 & C 表姐、大伯、姑姐 & 表弟表妹,佢哋陸續嚟到,阿姐係廚房整嘢食
Macy 又出嚟八各人啲嘢
大家仲記唔記得,阿姐個M表妹,畫畫好叻,佢畫咗呢塊四貓木牌,送畀阿姐新屋入伙
Macy、Mittens、 Sundae & S'mores,四隻都笑咪咪,好似唱緊歌咁,好靚好可愛
間唔時我又會去同2R 玩吓,但Rocky 好呷醋,有時我想摸吓Rose,但Rocky 唔比,係只想人親近佢一個,所以有時放佢出去,至可以同Rose 玩,而且Rocky 好衰,佢會蝦Rose
後來我哋要開餐,要搬張餐枱,Mittens 就走咗去匿埋,直至我哋走都無再見過佢嘅貓踪
仔仔爸整咗拿手嘅咖喱薯仔貓翼,另用咖喱汁整咗咖喱魚蛋,姑姐整咗泰式青木瓜沙律,二姑媽炆咗海蔘花膠豬腳,睇一桌美食
食食吓,阿姐接咗餵貓job 要出去開工,阿姐帶埋M 表妹去,個job 得一隻貓,做6日,隻貓好怕陌生人,每次去佢都匿係呢度
初初我哋開餐時,Macy 係廳陪住我哋
後來就返咗入房上床同埋Sundae 一齊瞓覺
C 表姐帶咗牛筋零食畀2R
C 表姐買咗Lady M 蛋糕,M 表妹整咗薄荷朱古力蛋糕,男友仔又係朋友度,買咗Home made 西餅
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
大家睇番阿姐張床,我就係見到阿姐佢倆個只冚張咁薄薄嘅毛巾被,學網上話齋,有種凍叫“阿媽驚妳凍”,所以我買咗張被比阿姐
阿姐睇完張相話,佢啲女嗅到奇舅父啲味會唔會唔鍾意,會唔肯再上床瞓,我話佢哋可能好鍾意奇舅父陣除都唔定呢,哈哈
我都鍾意個門牌呀,好靚
回覆刪除真係好鬼靚呢
刪除門牌好可愛呀!”阿媽驚妳凍”係世上最窩心嘅擔心😍😍
回覆刪除個門牌真係好鬼靚,真係驚佢會冷親
刪除間屋大成咁
回覆刪除簡直係貓狗迪士尼
阿姐都話,其實間屋係買畀班寶貝住的
刪除個木牌好靚
回覆刪除一個五星級的家~~
個木牌真係畫得好靚,我都好鍾意,咁地方大啲,都住得舒服啲
刪除M表妹工藝一流,祝阿姐新居入伙事事興隆。
回覆刪除個木牌真係畫得好靚,我都好鍾意,咁地方大啲,都住得舒服啲
刪除[仔仔爸見到隻肥Macy,好鬼肉緊] 真係肉緊又肉麻 😂😂
回覆刪除佢見到自己隻Mango都係咁架
刪除Macy又肥又靚!😍
回覆刪除我都覺得4隻貓,最靚係佢
刪除