平時睇韓劇成日見到食炸雞嘅場面，搞到我又心思思想食，某日終於買咗Popeye's 炸雞返嚟食，雖然唔係韓式炸雞，但都算頂得吓癮啦
跟住我就send 張相畀阿姐睇，阿姐見我買炸雞食，知道Mango 仔最鍾意食雞，就問我Mango 仔去咗邊，當時Mango 仔係雜物房度瞓緊覺
不過我啱啱至開始食，隻Mango 仔已經出現，我又影張相send 畀阿姐睇，阿姐話佢比啲雞雞味吸引到，最後要困佢入房，我至有安樂炸雞食
阿姐又繼續send 相畀我，話平時佢哋一食嘢，貓地就會昅到實，所以至問我有炸雞食Mango 仔去咗邊度
平時食飯，如果餸菜有雞的，都會吸引到Mango 仔嚟
Send 咗為食Mango 仔嘅相畀阿姐，有時阿姐又會send 番佢家最為食嗰隻Sundae 嘅相畀我睇，Sundae 同Mango 仔一樣，想食會出手去攞
某日買咗個菠蘿返屋企，見菠蘿賣得好平，而且好耐都無食過新鮮菠蘿，Mango 仔又八卦個菠蘿
Send 完張相畀阿姐，阿姐講笑話Mango + Pineapple = 生果籃，哈哈
上個月去探阿姐時，仔仔爸買咗啲肉乾比阿姐，又引得Sundae 不停嗅
某日又畀Daddy 見到Sundae 自己想去摷零食
我都想講喇，聞到有雞味，MANGO 一定會瞓醒啦
回覆刪除佢真係好鍾意食雞，丟咗啲貓骨頭去垃圾桶，佢會去摷垃圾桶，好曳
刪除我班友無人食雞
回覆刪除但如果買燒鴨
翩翩會瘋狂
佢哋反而鍾意食鴨
刪除Popeyes炸雞咁正，Mango仔真識食呀！
回覆刪除咁啱，我地又係貪平，買咗菠蘿呀！
成日覺得菠蘿啲皮好難批，所以比較少買嚟食
刪除我個兩位, 一位咩都要食, 另一位就睇食咩, 有時俾佢時, 佢都避避下, 好似我要落毒咁
回覆刪除咁又唔係真係隻隻貓都咁為食，我家Minnie、Chewy都唔為食
刪除聽聞Popeye's炸雞好好食，可惜香港冇得食。
回覆刪除我覺得只要新鮮炸出嚟，熱辣辣都好食
刪除哈哈，佢係雞雞控喎，俾咁香吸引住！🐱
回覆刪除貓鼻好靈呢
刪除有得食梗係唔放過喇。
回覆刪除一見人食嘢都要八吓
刪除