阿姐終於都肯打疫苗,上個月尾家族去掃墓,見到阿姐,阿姐話見到有個Japanese Food Fest,佢話返嚟同我去行吓,阿姐話佢仲有好幾日有薪假,就攞多一日假,咁可以陪我多一日
星期五阿姐收工就直接搭車返嚟,但佢自己又走去行街幫男友仔買嘢,要等埋佢返嚟至開飯,阿姐返嚟入房就見到Charco 仔霸咗佢個枕頭
食飽飯,阿姐係梳化攤抖,擦鞋仔Mango 就去黐實阿姐
阿姐平時要好早起身返工,所以好快阿姐就返房瞓,到第二朝,阿姐都無瞓到好晏,擦鞋仔奇哥已經係阿姐旁邊等阿姐起身
見阿姐一起身就坐阿姐大髀,我入房見到Chewy 唔驚仲主動上床搵佢阿娘
蒸咗啲叉燒包畀阿姐做早餐,阿姐好衰,走去引隻為食貓Mango
阿姐坐係梳化,擦鞋仔Mango 又去黐實阿姐
係屋企坐多陣就出發去Japanese Food Fest,其實只不過係一個街Fair 嚟,因為我哋好早去到,所以嗰陣好少人
除咗有日本嘢食,仲有其他美食攤檔
都未行均成個fair 就開始落雨,所以我哋入咗麥記坐吓避雨,等雨停再行埋尾嗰段,行番轉頭去試啲嘢食,見已經排晒長龍,不過見啲嘢都唔係話太特別,只係買咗條燒粟米、西班牙牛尾,之後我哋唔搭車,邊行返唐人街、邊去shopping 買嘢
行番去唐人街,經過間食麻辣燙,好少可食肆做Lunch Special 會做埋weekend,阿姐又想食薯粉,所以決定入去食
返到屋企,奇哥又去坐住阿姐大髀
阿姐返房坐,奇哥仔又死跟
阿姐出房一陣,廿零分鐘後,返番入房就畀貓哋霸咗張床,Mango 仔仲要霸住個枕頭
睇阿姐個表情幾好笑
到夜晚,我諗奇哥一定係打算陪阿姐瞓覺啦
待續…
阿姐返娘家,貓地同阿娘都咁高興!
回覆刪除又,Mango好似又肥美咗😻😻
係呀,我同貓地都好開心,我覺得Mango 仔無肥到,都係咁上下
刪除阿娘一定開心到飛起啦~~
回覆刪除芒果仔好有二世祖feel, 哈哈
係呀,難得可以陪個女幾日
刪除呢隻仔已經係少爺仔啦
屋企有一大堆貓真係樂事
回覆刪除有貓地陪伴真係好正,習慣咗屋企有貓,如果無晒一定唔慣
刪除貓地真係好黏阿姐。
回覆刪除唔係隻隻都黐,尤其係Minnie,佢話同阿姐唔熟,哈哈
刪除肥嘟嘟好可愛! 💝♬︎(*‿*)♪ ❤️
回覆刪除貓地肥嘟嘟係可愛啲
刪除