我有成兩個星期無出現,原因係部電腦load 得好慢,攞咗去畀阿姐個K 表弟幫手睇睇有無得夠,早幾日至攞番嚟,不過部電腦我都用咗好多年了
言歸正傳,之前講過要帶Chewy 去洗牙,驗查後,除咗洗牙,仲要剝牙呢
初時話4 點鐘可以去接佢,後來話佢仲未醒,5 點至去接佢返屋企,一返到屋企見佢仲腳步浮浮,一直匿係床褥後面
無陰功,佢剝咗12 隻牙,上面啲牙要剝晒,下面就剝咗兩隻
見佢仲暈吓暈吓,唔敢咁快畀嘢佢食,過咗成個鐘我至整啲雞肉佢食,佢就即刻出嚟食,佢當然肚餓啦,佢已經餓咗好多個鐘喇,陰功
好快食晒
見佢個“面豬凳”腫晒
佢要食一個星期止痛藥
知佢一定未夠飽,再畀啲肉泥罐頭佢食,又係好快食晒
呢晚佢成晚係床褥後面瞓
第二日朝早仍然匿係床褥後面,知佢咀痛唔會去食乾糧,我每隔幾個鐘就畀啲罐頭放入去床褥後面畀佢食,佢食完就出嚟洗手洗面
不過佢記得係我帶佢去見醫生,所以頭兩日佢都驚咗我,我一行埋啲佢就匿埋,我都唔敢嚇親佢
後來佢間中走出嚟,我可以慢慢行近啲
到咗第三日,佢終於主動返出嚟黐我
仲有心情玩紙波波
佢個咀已經無咁腫
見佢都有去食乾糧,不過每餐濕糧餐,我都會畀多啲佢
第四日已經消腫,已經恢復正常,隻手仔剃咗一節毛毛
我翩翩一隻牙都無
回覆刪除翩翩仲好細,咁快一隻牙都無晒
刪除睇見都肉赤C呀,好在Chewy都康復得快!希望妳部腦可以頂耐啲吖,我都好怕搞呢啲野。
回覆刪除阿K表弟讀IT,幫我加咗啲嘢,依家快咗好多,應該都仲可以用好耐
刪除點解要剝咁多牙? 無陰功呀
回覆刪除啲牙壞晒,平時都嗅到佢有少少口氣,依家就無晒口氣,希望剩低啲牙洗完之後唔好變壞
刪除印象中Chewy仲好年輕;咁細個就冇咗咁多牙 😥 開心ge係消咗腫又肯黐返妳 😘
回覆刪除Chewy大約有6、7歲,當年Marble仔都剝咗7隻牙
刪除好彩唔開心既嘢,佢好快忘記
面仔真係腫晒陰公豬囉!
回覆刪除剩係見佢要剝咁多隻牙已經覺得好陰功啦,好彩只係腫兩日就消腫
刪除嘩,一次剝咁多牙仔,一定好辛苦囉!🐈⬛
回覆刪除都估唔到會剝咁多隻,真陰功
刪除嘩~ 一次過剝咁多隻, 見到都戥佢痛 😢😢
回覆刪除都估唔到會剝咁多隻,見佢個咀腫晒,出一出街又嚇親佢,真係好心痛
刪除