呢日星期六,阿B 都係好早起床,阿B 話幫手揀罐頭畀啲貓舅父、姨姨食
之後阿B 又眼瞓,畀佢瞓一陣,啲貓地就係度玩
我姑仔一早就知道阿姐會返嚟,話星期六要嚟睇阿B,順便睇吓我4 隻貓B,咁啱因為我大姑爺佢入咗醫院,我二姑奶請一個多星期假由波士頓過嚟探佢大姐夫,所以嗰日就約齊係唐人街飲茶,要見啲姑婆、伯公喎,幫阿B 扮靚靚先見人
返屋企前,呢個姑婆話之前見阿B 鍾意食蕃薯,所以買咗幾條蕃薯,蒸咗一條畀阿B 食,先同阿B 沖番個靚涼,舊蕃薯就蒸好有得食
之前阿Pat 係group chat 問幾時約食飯,咁我見姑仔橫掂出嚟,就話約埋阿Pat、Stacy 出嚟食飯啦,因為之前我派薑醋畀佢哋,佢哋又送禮物、又封利是畀阿B,而且佢哋都未見過阿B,順道一聚,原先打算係唐人街食,但見好似想落雨,仔仔爸就建議係屋企食,仔仔爸就出去買啲order,買條游水魚返嚟蒸、炒碟菜,同阿B 玩又可以睇吓貓,我哋全部都係愛貓之人
原來之前一日係Stacy 生日,所以我同姑仔出去買咗個蛋糕同佢慶祝
因為真係好耐無聚,大家都傾咗好耐,渡過咗一個開心嘅晚上
有小朋友在場,而且大家又係愛貓之人,喺屋企食飯,真係更爽皮!
回覆刪除係屋企食又自在舒服啲,講嘢大聲啲都得
刪除睇見你哋相聚一起都感受到好開心,因為能同親朋好友相聚有時都唔係咁容易架。
回覆刪除相隔咁耐至再聚吓,又真係特別開心
刪除難得開心聚。
回覆刪除係呀,好難得o架
刪除