阿姐把頭髮已經成年無剪,又長、又成日會畀阿B 搣頭髮,平時阿姐把頭髮都係喺唐人街剪,所以阿姐要返嚟剪,阿姐諗住橫掂返嚟,一於住多幾日,等阿B 可以親親我哋多啲
呢日女婿特登請假,車阿姐兩母女嚟,我就落樓接佢哋
Mango 仔同阿B 玩
其實阿姐仲要開工,所以佢帶埋部電腦返嚟,佢開工時間係 1︰00 至 9︰00,阿姐話早啲出去食埋lunch 再開工,阿B 雖然黐身,但只要見到媽咪,佢都肯跟我
之後我哋就返屋企,阿B 就開始周屋搞搞震
阿姐開始開工,我就陪阿B 玩,上次L 表姐開Party,我姑仔畀咗呢個貓玩具同條貓隧道畀我四粒貓B 玩,我就開條貓隧道出嚟,諗住阿B 同貓地一齊玩
阿姐開緊工,奇哥去黐住阿姐
有時阿姐一邊做嘢都一邊睇住阿B ,有時未有嘢做,畀啲嘢食氹吓佢,同佢玩吓
後來阿B 捐咗入條貓隧道入面,仲kick 住咗,阿姐send 條片畀我姑仔睇,笑死佢
阿姐陪佢入房玩一陣就氹佢瞓覺
只係瞓咗一陣,好快就醒咗
阿姐見到Starbucks 有買一送一,阿姐又想試啲新口味,就抱住阿B 去對面間Starbucks買,點解有三杯﹖阿姐叫咗兩杯凍飲,啲staff 沖錯咗一杯熱飲,所以畀埋我哋
臨瞓前玩多陣,就推張床褥出嚟畀佢兩母女瞓
花生嚟陪阿B 呢,不過畀阿B 嚇走咗
呢幾日,四隻貓B,只有花生最唔怕生,黃糖後來都出嚟玩,芝麻同黑糖就一直都係成日匿埋
阿B可能以為搬開個玩具,奇哥就會埋去佢度,點知奇哥走佬😂
回覆刪除最後段片係花生?大隻咗好多呀😻
四粒貓B 大隻咗好多呢,上個星期仲已經絶咗育
刪除樂也融融
回覆刪除大家都開心,有得玩
刪除阿姐帶埋阿B回娘家,熱鬧又好玩。
回覆刪除好開心喔
刪除你家好多貓貓🐱BB同貓貓都玩得埋一起😍
回覆刪除我依家養咗9隻,個女屋企都有4貓2狗,所以個孫女習慣見貓,唔怕貓貓
刪除真係好多呀!一定好忙😀
刪除養貓唔似養狗咁,又要帶出街,所以除咗要剷多啲屎尿之外,都唔會因為多貓而特別忙
刪除阿B個肚Dum好正。
回覆刪除我覺得佢個肚Dum都唔算大
刪除