姑仔家的貓貓事

大家記得我姑仔家啲貓貓嗎，Bubble 係喺Shelter 領養返嚟，領養前係我姑仔個friend 阿Pat 暫託過

而Bobby，Nicole，Anna 就係我姑爺仔開工時接觸過啲貓，最後帶咗番屋企愛錫

我姑爺仔一直都仲有照顧吓開工時遇到嘅貓

呢一隻貓，我姑爺仔曾經問過我可唔可以收養佢，但我已經有9 隻貓，所以我拒絶咗

姑仔話唔知點解Bobble 同Anna都有舔毛嘅習慣，搞到佢哋要成日帶頸圈，每到新年，姑仔有派利是畀貓地嘅習慣，但我就無

雖然我無派利是嘅習慣，但我一樣會用碌柚葉水幫貓地抺身，祈求貓地身體健康

舊年時，姑仔家曾經買過一個貓跑道畀貓咪，都係新屎坑，三日香，而且貓地基本上都係懶，點會自動自覺去玩，姑仔都有問過我要唔要，我都知道我家貓地唔會點玩，而且我嫌佢好“吖掟”呢，最後好似捐咗出去

今年M 表妹襯放暑假係屋企，整咗呢啲畀貓地玩，呢啲貓地應該會好鍾意

唔知大家記唔記得M 表妹係讀獸醫，之前一年佢喺番屋企附近嘅大學度讀，但呢間大學無得做實習，所以第二年就去咗另一個州度讀，M 表妹見阿姐做Cat Sitter，佢又去接Job，搵吓外快，呢個係佢接job 嘅貓，又係隻靚靚黑貓喔

姑仔話M 表妹去咗返學，Bubble 就好黐佢，又阻住佢做嘢，仲成日霸咗佢個枕頭嚟瞓

好羨慕佢啲貓好sweet，會黐埋一齊瞓

順便我又Update 吓Garden 啲貓，之前個義工話會嚟捉貓，佢哋無嚟過，其實都預咗佢哋都未必會嚟捉，唔係Urgent 嘢，佢哋都唔會理，所以仔仔爸要繼續落去餵貓

其實舊年時都已經見呢隻貓係度

同嫲嫲去食Dinner

阿B 去完公公婆婆屋企之後第二朝早，食之前公公買嘅炒麵加藍莓做早餐

自己嗰碟都未食晒，又去搶媽媽嗰碟嚟食

呢日女婿帶咗阿B 去同爺爺一齊食Lunch，女婿買咗舊炸燒肉返嚟

咁阿姐自己一個整飯食，阿B 唔抵得又搶媽咪碟飯，搶雞翼食

每晚阿B 都記得搽腳、按腳時間，到時到候就會提爹哋媽咪

呢種西班牙生果，係超市唔係成日有得賣，但有時係街邊會見啲墨西哥人一袋袋咁賣，阿姐返嚟娘家嗰日見到街邊有得賣，佢話係酸酸甜甜的，阿B 都鍾意食

呢日同埋嫲嫲去shopping，佢自摷咗對鞋出嚟，自己除鞋試鞋，哈哈

之後同埋嫲嫲去食Dinner

阿姐話阿B 心情好靚，話畀嫲嫲錫吓，佢就走埋去畀嫲嫲錫

阿姐接咗個一星期嘅餵貓job，去完餵貓返到屋企，阿B 沖完涼就同埋貓家姐一齊大覺瞓

一瞓醒覺又陪Macy 家姐睇雀雀

呢朝嘅早餐

食完早餐，一邊食提子，一邊陪爹哋睇電視

夜晚又再同嫲嫲去食Dinner