兩日一夜湊貓貓 — 下

知道Bubble 係隻怕人貓，初時諗住呢兩日Bubble 應該都唔會點理我，估唔到原來佢可以咁快就同人熟，佢成晚都嚟陪我一齊瞓，有時瞓係我腳上面，有時瞓係我頭頂，有時就瞓係我旁邊

平時佢哋4 貓應該係1 點同7 點食罐頭餐，但我習慣咗我啲貓係一早就食濕糧，所以我唔記得開咗罐頭畀佢哋食

食罐頭餐佢哋仲開心啦

Anna 成日等有無“死雞”執

出門口見貓食客個食物亭啲糧水無晒，不過聽姑仔講過，啲貓糧未必係隻食客貓食晒，因為夜晚會有隻負鼠嚟食，我就再添過啲糧水入去

姑仔家隔離就有一間Burger King，我就過去買份早餐返去食，Bobby 仔係我身後陪住我食

姑仔話佢哋鍾意梳毛，我就同佢哋梳毛，發現Nicole 仔想偷食我個牛角包

佢哋鍾意曬太陽，好識搵地方嚟曬太陽

我自己食完Lunch 就去附近間唐人超市度行吓，以前呢間係韓國超市，依家開咗做唐超，咁佢哋買餸都方便啲

Anna 妳係等我返嚟嗎﹖

姑仔話如果啲貓想食乾糧，佢哋係會嚟叫食

Nicole 仔有時會入嚟房係呢度望街

個貓厠所係呢間房個套厠度，Bobby 仔去完厠所就好似路過咁係我面前走過

最乖都係Bubble，會嚟陪住我煲劇

Bubble 又係好鍾意梳毛，佢啲“煲”水聲仲好大聲

姑仔一家會夜少少至返到屋企，因為朝早貓地食咗濕糧，我都早啲開罐頭餐畀佢哋，仔仔爸會嚟接我返屋企，臨走前我又畀少少乾糧，清好個貓砂盤至走

恭喜M 表妹獸醫畢業，佢咁多年嚟一邊讀書，仲有去獸醫診所做過Part time，仲有去啲愛護動物組織度做義工

上個月幫間Shelter 啲貓仔做絶育，佢仲幫手暫託咗一個貓囡

好戥M 表妹開心，因為佢已經搵到獸醫嘅工作，不過就要搬到去波士頓，而且暫託貓囡囡已經託出感情，佢決定收養佢，一齊搬去波士頓生活，貓囡改名為Shallot，睇Shallot 得到愛之後成個樣都唔同晒，以後Shallot 將會好幸福呢