“鄰居”樂

又到Weekend，阿姐約埋嫲嫲同佢個閨蜜，仲有阿B 個細表姐一齊去街街，阿B 氹到媽咪買咗對水鞋畀佢

水鞋當然係咁用啦，哈哈

佢哋原本想去啲Food Truck 度食嘢，但見落雨，所以走入隔離個Mall 度食嘢

行完街街需要去湊貓，咁就先車細表姐返嫲嫲屋企，而表弟又到咗，阿姐問阿B 去唔去湊貓，阿B 話要留係嫲嫲度玩，咁阿姐就自己去湊貓貓，原本呢日有5 單貓貓Job，不過有2 單臨時Cance 咗，呢日一單係湊隻新貓叫Togo，佢係一隻好怕人黑貓

仲有繼續湊Bentley、June，只見佢哋匿係床下底

幾隻貓貓都驚人，好彩有隻勁Nice 嘅Lychee

阿姐湊完晒啲貓貓就去嫲嫲屋企接番阿B，阿B 話唔返屋企要去湊貓貓，明明之前問過佢佢話要同表姐玩，咁車返屋企時阿B 又瞓著咗，一返到屋企醒咗見返咗屋企，佢係度發脾氣扭晒計話要去湊貓貓，阿B 真係越大越曳

之前行街，阿B 嫲嫲個閨蜜畀阿B 同細表姐每人揀一樣玩具，阿B 好快就識點樣玩

到咗Sunday，佢哋去咗食Brunch Buffet

之後去湊Lychee

阿姐話阿B 好衰，阿B 特登拋啲零食去遠處，等Lychee 走去執，唔知阿B 係咪覺得Lychee 需要多啲運動量嚟幫佢減肥呢

再去湊Bentley、June，呢日係最後一日湊佢哋，佢哋依然都係匿埋晒

呢日係Memorial Day，阿姐女婿都唔駛返工，佢哋去咗阿B 嫲嫲隔離個鄰居屋企度玩，呢個鄰居有養貓同狗狗，呢隻係貓媽媽

呢隻係佢仔仔，阿姐話樓上仲有一隻怕人貓

之後又去湊Togo 同Lychee，阿B 係車度瞓咗，所以阿姐自己去湊Lychee

再去湊Togo，呢日最後一日湊Togo，阿姐特登摷醒阿B 去湊Togo，避免阿B 醒咗無得湊貓又呱呱嘈，阿B 幫手攞貓主人個包裹上樓呢