阿娘又玩嘢

仔仔爸執咗個紙箱返o黎，諗住比我攞番公司，比我公司外面啲流浪貓，奇哥仔好快就走入去八

見之前整比貓個箱都比人丟咗，所以都唔諗住再放紙箱出去，留番比貓地玩啦

某晚見Charco仔走咗入紙箱，心血來潮，整咗呢張紙玩貓地，再post 上facebook，哈哈

之後我貼咗呢張相係個箱度，一直等貓地自動走入箱時再影相，但等咗好耐佢哋都唔走入個箱度，唯有用零食引Charco仔入箱

第二晚見天師仔自動走入紙箱，嗱嗱淋去攞相機，好彩都影到一張

一直無再見過奇哥仔走入箱度，索性抱佢入去，好彩佢又無走番出o黎，乖乖坐定定比我影相

Chewy︰舅父仔，你幾時練到咁大隻o架🙀

係咪好搞笑呢😆😆

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

又講吓我公司外面啲流浪貓啦，上個星期某日，一返近公司，就見到貓貓係我平時我放食物嘅地方，唔知係咪等緊我呢

仲見齊三隻

連續兩日都見到佢哋係同一個地方等，當然要快快放低食物

星期六放工時仲見到兩隻未見過的，一隻係黃貓，見佢太怕人，所以都唔敢行埋去影佢相，另一隻係呢隻黑白貓，都係怕人的

呢個星期幾日都無見到佢哋，但今朝一返工又見到，雖然唔係我平時放食物嗰度，但都第一時間比食物佢哋，見佢哋都好似好肚餓咁，大啖食

見另一隻黑貓係馬路對面，我又引佢埋o黎食嘢