Macy唔怕生環境

兩粒孫嚟到當晚，Macy 都已經唔太怕陌生環境，敢週圍匿(因為見到有其他貓)

天師仔八卦過佢之後，都無點理佢

 只有Mittens 好驚只敢匿係房床底

Marble 仔係一直懶理兩粒姨甥女嚟到，走去八卦吓都好少

第一晚阿姐同男有仔瞓廳，所以我可以留係房陪兩粒孫瞓，半夜我起身去厠所，見到Macy 係床尾陪我瞓

朝早Macy 肯去厠所，但佢同Mittens 都未係點肯食嘢

Macy 開始出房週圍八

比天師仔跳咗上嚟都只係fee 吓佢，都無打算走貓，最後走嗰個係天師仔

後來唔見咗Macy，阿姐係隔離房見Charco 仔坐係度望住一個方向，先發現原來Macy 匿咗係個架度

呢日同阿姐男友仔飲完茶，陪佢哋行咗一陣街，我就先返屋企，一來我陪佢哋兩個有啲無癮，二來我又掛住兩粒孫，想快啲返屋企黐吓佢哋，返到屋企又比Macy 出嚟行吓

當阿姐同男友仔行完街返嚟，佢哋就入房陪兩個女

食完阿姐生日飯返屋企都有啲夜，都比Macy 出房八吓，八咗入厠所，天師仔走埋入去八吓佢

好夜了，要瞓了，又係我陪佢哋瞓，Macy 好愛摸摸的，佢好可愛

 

呢朝Mittens 都有係我枕頭旁邊陪瞓

瞓醒，就比Macy 出房

係房門口擺post 😂😂

佢出廳見到阿姐都唔理，只掛住玩貓抓板

比Marble 仔成功黐實阿姐

 

係咁嗲人

Macy 玩貓抓板玩得好開心呢

 

Macy 八入廚房，佢好似好想跳上雪櫃頂，但佢有自知之名，知道自己肥得滯跳唔上，哈哈

Mittens 嘗試出房，但見到其他貓又好驚，不停咁fee 貓

 

輪到天師仔去黐吓人

阿姐摷番件衫仔出嚟比Macy 著，唔like 呢

收好廳啲床舖Macy 都返入房

都係呢日至見佢哋開始肯食嘢

 

天師仔又走入房走埋上床，其實佢唔搞貓，都相安無事

嗰朝我哋都無出去食早餐，只係仔仔爸買麵包返嚟食，下午阿姐同男友仔行Broadway 搵嘢食，返嚟無耐之後佢哋就執嘢走人

就係咁，我就開始湊孫的日子