天師仔食開嗰隻甲冗藥,唔比Refill,所以又要帶佢去診所見吓醫生,而且呢幾個星期都見佢成日打乞痴,仲要連鼻涕都痴埋出嚟,咁可以順便去睇埋
一早我攞定個貓袋出嚟,隻袋控Minnie 一定唔會放過啦
去到診所,醫生帶咗佢入去檢查、抽血、驗尿
我話比醫生知佢成日耳仔痕,醫生check 到佢耳仔有菌,要滴兩星期耳藥水,個肺有啲雜音,懷疑發炎,打咗枝消炎針,如兩個星期無好轉就要再覆診,驗血報告話佢甲冗指數高咗,佢食開隻藥要加多一倍,因為啲藥差不多食晒,所以醫生先幫我訂咗佢一個月份量嘅藥
啲藥寄嚟屋企收到時,打開見付送咗隻貓草熊公仔,Mango 仔一嗅到就忍唔住
但我今日攞出嚟比Chewy 同Marble 仔嗅,佢哋都無興趣,但一比Mango 仔,佢又狂high
上個月頭見天師仔左眼流眼水,攞咗之前Mango 仔啲眼膏比佢搽,諗住搽幾日唔好嘅話就帶佢去睇醫生,好彩幾日後,佢就好番無再流眼水
醫生要求下個月要再帶佢去抽血再驗,基本上佢啲藥,每次訂有3個月份量,醫生只幫佢Refill一年,每年都要帶佢去見一次醫生驗吓血,只要佢身體健康,呢啲錢都唔慳得呢
毛孩身體有毛病, 個心真係會拿住拿住
回覆刪除希望天師仔快D好番, 身體健康
呢兩日都見佢少咗打乞痴,證明枝針有效
刪除佢個樣都好傷心下喎。快啲好返啦Baby
回覆刪除打乞痴期間佢胃口仍然好好,應該都唔算好嚴重,呢兩日都見佢少咗打乞痴,證明枝針有效
刪除祝天師仔早日康復,藥到病除!
回覆刪除天師仔同妳一樣都算係長期病患,隻藥要食一世,唔可以停
刪除呢兩日都見佢少咗打乞痴,證明枝針有效
天師仔要繼續乖乖食藥,食得瞓得去得!
刪除啲藥訂既時候要特登做成藥水,放係啲濕糧同雞肉度,佢肯食,今次佢只係打乞痴,好彩無影響食慾
刪除甲狀腺有事, 會比較攰+心情差
回覆刪除咁我又唔覺得佢心情差喎
刪除餵天師仔食藥難唔難?
回覆刪除啲藥訂既時候要特登做成藥水,早晚放係佢啲濕糧及雞肉度,佢肯食
刪除錢銀事小最緊要身體健康!
回覆刪除係呀,都想佢陪我多十年八年
刪除