尋日係靚女Chewy 入門五週年,成日都諗呢個靚女要係外面流浪真係好可惜,緣份令佢遇到阿姐,佢可以嚟到我屋企做小公主
見佢係床,要攞埋嘢食哄佢,真係寵壞晒,其實我每隻貓都寵
以前朝早佢會嚟黐吓我
不過依家好少了,最多上床要我摸吓,佢驚Mango 舅父,一見佢嚟就會走
佢同奇奇舅父最friend
佢剩係驚Mango 舅父,又唔睬Minnie,同其他舅父都可以一齊瞓覺
我覺得佢鍾意公公多過我,可能佢鍾意公公摸摸同佢梳毛嘅手勢舒服啲
佢成日搵地方匿埋瞓覺
除咗瞓覺,佢最愛最係去睇雀雀
呢條片係Google 相薄自動幫我整,由Chewy 早期至到2020 嘅相
幸福嘅靚女, 而家佢認唔認得自己阿娘?
回覆刪除我都會有時送野俾主子係佢地嘅龍床食架, 我叫呢D做 room service 😄
雖然唔係成日見到佢阿娘,佢都仲認得阿娘把聲,每次佢阿娘返屋企都已經無咁驚,會匿埋,唔會主動去親阿娘
刪除印象中Chewy係最慢熱,初時長期匿埋,見到佢依家住得咁自在,證明全家對佢真係好有愛,錫到佢燶!
回覆刪除佢本身性格都係比較驚青,平時我行過、攞住啲嘢,都盡量慢慢行過佢身邊,怕嚇親佢,帶得佢返屋就梗係要錫到燶啦
刪除Chewy要身體健康繼續幸福啊。
回覆刪除係呀,身體健康至可以得到好多年幸福
刪除咁快就5年, CHEWY 要繼續健健康康, 開心辛福呀🥰
回覆刪除我家每隻貓都好幸福
刪除