星期五晚開始落雪，一直到星期六，阿姐見落雪乘機唔返工，2R 又有得玩雪，佢哋仲好鍾意食啲雪
原本仔仔爸係元旦日放假，打算去探阿姐，順便車埋阿姐啲嘢畀佢，不過聖誕節去完阿姐L 表姐屋企gathering 之後，我同仔仔爸都中咗病毒，好彩唔算好嚴重，只係喉嚨痛咗幾日，之後又口乾喉涸咗一個星期，仔仔爸都唔敢返工，休咗五日
咁見星期六下午開始停雪，又將近農曆新年，仔仔爸買咗好多唐人食物畀阿姐，就連埋阿姐啲嘢一齊車畀佢，兼提早比定利是佢哋，之前落雪落足一整日，都幾厚雪
一入屋就見到Macy
2R 見到我哋又係超興奮
Sundae 係床上面
Mittens 匿係餐枱底
後來放咗2R 出嚟，Macy 就走番入房跳上床
S'mores 一直係basement 陪佢嗲哋睇電視
仔仔爸同2R 出去玩
之前幫貓地入貨，公公買咗狗零食畀2R
之後公公又同2R 出去玩
連Macy 都去睇佢哋玩
Macy 好嗲呀，一直要我摸佢頭仔
公公又幫佢梳毛，好舒服呢，但唔鍾意人摸肚腩仔
本身仔仔爸都唔打算留好耐，叫定阿姐整啲嘢食吓，阿姐自己焗Pizza，同整咗Clam Chowder
我哋走之前Mittens 一直匿係枱底唔出嚟，走嗰陣見Macy 已經返上床同Sundae 一齊瞓覺了
今日係年廿九，Macy 變身招財貓，祝大家招財進寶，福星高照
仔仔爸真係廿四孝爸爸, 好錫阿姐呀
回覆刪除無計啦，得佢一粒女，點會唔錫，仔仔爸好鍾意小朋友，只係我唔鍾意湊小朋友，我又剩係鍾意女，生咗個女就唔肯再生
刪除妳同仔仔爸依家無事就好啦🙏🏻，好在農曆新年前，可以探下寶貝女、男友仔同啲孫ssssss，但點解唔留耐少少呀，係咪掛住屋企啲仔女呀？
回覆刪除落完雪驚返屋企會塞車，又唔想太晏返屋企，驚餓親天師仔，佢依家好大食，要成日食濕糧
刪除恭喜發財闔家平安
回覆刪除大家咁話，最緊要身體健康
刪除祝你：虎年大吉！萬事勝意！身體健康！
回覆刪除大家咁話，最緊要身體健康，最希望疫情快啲消失
刪除我地都係差不多時間中，幸好大家都是輕微症狀！健康是福，恭喜發財！
回覆刪除嗰段時間個疫情真係幾嚴重，好多人染疫，嗰陣見好多人都去做測試
刪除新一年，最緊要都係身體健康，希望個疫情快啲消失啦
Ruby恭喜發財！人日快樂！
回覆刪除大家咁話，係要日日都快樂
刪除