Rhode Island — Day 1

依家至講番8月尾o既事，因為早排要照顧Marble仔啦、早排屋企兩部腦又 short short 地啦，又要收集埋其他人o既相片啦，自己又懶到出汁啦，所以至拖到依家

言歸正傳，每年暑假尾我姑仔都會攞大假去玩，8月中搞好晒我奶奶o既身後事，見9月1號係勞工節假期，連 weekend 有幾日假，姑仔話想去玩吓散吓心

因為8月尾阿姐已經返咗學，阿姐又想join埋一齊玩，所以提議不如去康州附近度玩吓，鄰近康州o既就係 Rhode Island，所以阿姐就 Plan 咗個三日兩夜o既 Rhode Island 行程

8月30號一早出發，先去康州接阿姐，阿姐今年住o既宿舍，係一間民居o黎

先去大學附近o既餐廳食咗個好豐富o既 Pancake  Brunch

係嗰間餐廳個 Parking 度，發現有間俾流浪貓o既屋，間木屋仔好大間，應該有好幾隻流浪貓住的，啲貓可以遮風檔雨，又有人餵，啲人好好喔，呢隻貓好大隻，仲好肥美呢

之後就一行12人，兩部車出發去Rhode Island，我哋會去一個沙灘度玩，相中有仔仔媽…個背脊，哈哈

佢哋玩擲泥沙，玩得好開心

仲玩堆沙，整蠱阿姐個男友仔，真係笑到肚痛

 

 游完水，啲小朋友要食啲小食，仲要食雪糕

 之後去酒店 check-in，已經餓到飛起，嗱嗱淋去搵嘢食，去咗食西餐

之後去咗打保齡，呢個保齡球塲打o既保齡唔同我哋平時玩開嗰種，啲波比較細，而且係無手指窿的，好似大大粒o既麥提沙朱古力

 

因為無手指窿，要靠腕力o黎推個波出去，我覺得都幾難控制，都有啲難度

呢度打保齡係段鐘計，另租鞋，我哋玩咗一個鐘就返酒店瞓覺了