其實舊年時，Charco仔已經有咬扯身上o既毛o既習慣，睇，好明顯無咬扯甩咗好多毛
唔知係咪情緒問題呢，後來已經成日同佢傾計、氹吓佢，就好啲囉，無咬扯得咁密
但一見佢又咬扯毛時，就俾佢帶頭罩警戒吓佢
第一次見佢哋咁親密，天師仔肯俾Charco仔“long”住個頭
後來情況都好咗好多，只係間中咬扯吓，都無話見到無咗忽毛o既現象
但每次一見到佢有咬扯毛，都會俾個頭罩佢帶一陣
帶咗頭罩就係度扮可憐
早兩個星期前見佢又嚴重咗，見帶頭罩佢都唔驚，唯有摷件衫仔出o黎俾佢著，等佢無得咬
著咗衫仔係咪好可愛呢
著得幾型
著咗幾日衫又好啲喎，又少見佢咬扯甩啲毛，希望個衰仔快啲戒甩呢個習慣啦
Charco帶咗罩嬲爆爆
回覆刪除一帶咗頭罩就懶係可憐咁，high身high勢想人同佢除
刪除又真係好慘嘅
回覆刪除佢唔再咬扯毛咪唔駛慘慘囉
刪除最尾几张相…件衫冇著好嘅
回覆刪除唔肯著衫，唔係咁易同佢著
刪除著衫好過戴罩
回覆刪除驚佢熱喔，屋企啲暖氣好暖
刪除希望 Charco 仔盡快戒除呢個壞習慣 (*｀ω´*)
回覆刪除希望啦，衰仔激屎我
刪除Charco仔係咪有情緒病呀陰公豬囉
回覆刪除我諗有少少啦，都試過搵人同佢傳心，都問唔到啲咩
刪除佢係咪精神緊張? 我隻夢緊張時會猛lam身囉
回覆刪除其實有咩令佢緊張呢，應該都無咩啦，真係唔知佢做咩
刪除幾年前米奇都試過又係呢個位, 睇E生照顯微鏡話係佢自己咬, 要食藥穩定情緒, 之後再搵動物傳心師同佢傾, 佢話因為我鬧佢又緊張佢, 所以唔開心 T_T
回覆刪除應該都係情緒問題，但點解佢會唔開心呢，我哋都好少鬧佢，真係唔知點解
刪除又可愛又可憐呀
回覆刪除但唔想佢係咁樣至o黎可愛囉
刪除帶頭罩唔會反抗咩？有冇同佢睇醫生呀？
回覆刪除佢已經帶到慣晒，每次帶親咪扮可憐咁望住人囉，好肯定唔係皮膚病，係情緒問題，睇醫生都無用
刪除O_O 真係要同Charco 仔傾多 d 偈, Marble仔嚟咗會唔會令佢情緒有影響呢?
回覆刪除呢個衰仔又cool到屎，除咗要食又唔睬人，佢舊年時已經係咁，就算Marble o黎咗都應該影響唔大
刪除Charco 仔好聰明，識得搵天師仔long頭，好搞笑;p
回覆刪除Charco 仔唔好唔開心la, 個個都錫你ga ^3^
佢已經要扭食就俾嘢食，都唔知佢做咩唔開心
刪除陰公豬,要快Ｄ好番呀!
回覆刪除係應該快啲戒甩唔好再咬扯
刪除我之前去左旅行dingding勁depress咬到個肚無晒毛, 但佢又唔肯著衫更加唔會帶罩, 惟有次次見到阻止佢, 阻多左佢都有忌諱, 少左扯....
回覆刪除希望Charco仔都快d生返d毛出黎啦!
只要唔再拉扯啲毛，佢啲毛好快生番出o黎，唔嚴重時，都只係間中見到地下有毛，都唔算日日咬
刪除