黐人 — 天師仔

平時天師仔只會陪住係人身邊附近，佢係唔會黐實人

如果想佢陪住妳，只要放啲好似膠袋呀、毛巾呀、紙皮之類o既嘢係度，佢就會好自然咁墊住佢

曾經試過將一塊大毛巾，一張貓墊放埋一齊，睇佢會揀邊樣

當我坐梳化時，可以放佢張貓床上o黎，佢又會走上貓床陪住我

某日我係梳化睇電視，天師仔埋o黎搵我，佢好難得咁黐實我呢

上次咪話阿姐係X'mas party 度抽到張毛毛毡，依家用o黎睇電視時冚冚保暖

好多時我係度睇電視，天師仔都鍾意墊上張毛毛毡度，咁佢又可以陪吓我

佢真係鍾意張毛毛毡，我攤係梳化，讓我心口個位比佢，佢都肯走上o黎比我黐住

平時梳化無人，佢都會去走上張毛毛毡度瞓覺

 阿姐用電腦時，佢又去瞓住張毛毛毡o黎陪阿姐

 阿姐話佢某日隔住張毛毛毡同佢隻大髀按摩呢