因為去私家動物診所做絶育手術，真係好昂貴，之前Charco仔、天師仔、Shadow仔佢哋都係帶去ASPCA流動絶育車度做絶育手術
想去ASPCA流動絶育車，要上佢網頁，check吓會係邊個地方停留，仲要晨咁早去排隊，因為每日只收廿幾隻動物，5點就要起身，6點前要出門口，所以真係幾辛苦的
因為做絶育前唔可以食嘢，我怕Chewy半夜無嘢食會嘈住晒，所以叫阿姐出廳瞓，阿姐話天師仔幫佢暖床喎，好乖呢
架ASPCA流動絶育車，嗰日都好多人
阿姐話有兩個人讚Chewy靚女
好多狗狗同貓貓
片中隻金毛犬，佢遲咗o黎，所以額滿無得做
呢隻狗仔叫Coco，週圍撩狗玩
呢兩隻係同胎的
要到下午至可以去接番Chewy，仔仔爸襯上車接Chewy時，影其他貓
呢隻係20磅嗰隻肥貓呀
接咗Chewy上車，佢仲係軟軟又暈吓暈吓
返咗屋企了
返床底休息
比佢瞓咗一陣，佢至有胃口食嘢，第二日都係成日想瞓，公公都去安撫吓佢
一直到尋晚至比較活躍番，我哋都係比佢靜靜休息，怕佢受驚，會整親個傷口
果時美妹做完手術都係咁樣樣架....GELL WELL SOON <3
回覆刪除麻醉未散係咁o架啦，明o既，點都要痛幾日，見佢個傷口埋得好好
刪除Chewy 妹妹而家好D未?
回覆刪除唔知係痛吖定要帶頭罩唔自在，佢好乖呢，不過見佢個傷口埋得好好
刪除安樂晒啦^^
回覆刪除20磅肥貓絕咗育咪仲肥啲添@@
唔明點解咁肥至絶育
刪除FYI，Humane Society of NY 絕育都好好價錢架
回覆刪除有政府樓證明唔駛錢，我只比$5 頭罩+$15 打針錢，另外比咗$20 當捐款
刪除呢個我知，我做過ASPCA.只係太多人，我通常會選擇另外搵
刪除原來有呢種流動服務，好好呀！
回覆刪除睇見Chewy咁都有d心痛，不過咁都好，豈碼以後就一勞永逸。
以後佢又唔駛受發情之苦，我哋又有覺好瞓
刪除全部都係有愛心的主人
回覆刪除係呀，幫毛小孩絶育係應該的，可以減低生殖器官o既疾病
刪除咁凍仲要咁早起身真係好辛苦, 但為咗毛孩, 辛苦都值得GE
回覆刪除為咗佢哋，幾辛苦都要啦
刪除希望佢早日康復~!!
回覆刪除佢個傷口埋得好好，只係怕佢會舔傷口，所以唔敢除頭罩
刪除Chewy唔使辛苦，府上各人亦有覺好瞓咯﹗^^
回覆刪除以後大家都唔駛咁辛苦
刪除辛苦一次吧！
回覆刪除以後唔駛再受發情之苦
刪除