當日我姑仔打電話比我，話佢帶Bubble 返Shelter 見醫生，問我想唔想見吓佢，我當然say yes 啦，因為當時佢差唔多揸車到我屋企樓下，所以我就落樓見吓佢
之後我仲跟埋佢哋去Shelter o忝
其實之前Shelter 比我姑仔先試養Bubble，依家我姑仔通知Shelter 會正式領養Bubble，Shelter 嗰邊睇睇資料，原來Bubble 有FIV，呢件事連阿Pat 都唔知，所以叫佢帶Bubble 返去再驗多一次，睇佢係咪真係有FIV
最後證實佢真係有FIV，雖然Bubble 有FIV，但我姑仔一家都唔會放棄佢，所以Bubble 依家正式入籍吳家，名叫"吳泡泡"，Shelter 嗰邊會幫Bubble 張晶片改資料
我姑仔仲call 阿Pat o黎見吓Bubble，阿Pat 見番Bubble 好開心呢
Bubble 八八卦卦
Bubble 真係好靚女，好可愛，表妹、姑丈仲成日send 佢啲相比我睇
表妹話佢好為食呢，一見人就喵喵叫，要人比嘢食
吳妹妹真係好靚女喎
回覆刪除你姑仔一家真係好好, 好有愛心, 唔會因為佢有事就放棄
養咗個幾月了，有感情o架嗎，我同佢講，只要佢身體健康就唔會發病，但如果想再養其他貓就會有顧慮囉
刪除姑仔一家唔彈鐘真係好好! :)
回覆刪除養咗個幾月了，有感情o架嗎，唔捨得呢
刪除你們都很有愛心，貓貓有病都接受。
回覆刪除其實只要佢抵抗力好，身體健康就唔會病發，只要好好照顧佢就無有怕啦
刪除BUBBLE 好幸運、好幸福, 有咁愛鍚佢嘅家人
回覆刪除希望多啲毛小孩同Bubble一樣得到愛
刪除bubble 好靚女! 只要好好照顧，有fiv都唔怕
回覆刪除我都係咁同我姑仔講，不過擔心想攞多隻貓返屋企會傳染比其他貓
刪除BUBBLE好幸運遇著有愛的一家！
回覆刪除係呀
刪除Bubble 好幸运
回覆刪除妳姑仔好好
其實最初最反對養貓係姑仔，但依家最緊張隻貓亦係佢
刪除係有愛嘅家人照顧住下，Bubble一定無事嘅。
回覆刪除一定健健康康落去
刪除CoCo：Bubble好靚女，未來一定要快樂健康咁生活落去！😺
回覆刪除只要有愛，佢一定可以活到三十歲
刪除Bubble 真係好靚女 , 祝佢健康快樂地成長~!!
回覆刪除個個都咁錫佢，一定會啦
刪除