除咗Marble 仔有病,其實仲有一隻,就係天師仔,繼年頭睇醫生,再次食消炎藥都唔好,後來佢打乞痴仲打出血,真係嚇死我
即刻帶佢去睇醫生,醫水話要照CT Scan,但診所無得照,介紹我哋去大型醫院照,Stacy 話有間寵物醫院好好,但約時間要兩個星期後,診所介紹嗰間可以約得早啲,所以就約咗診所介紹嗰間
阿姐唔得閒返嚟陪我帶天師仔去,Stacy 佢好好,特登請假陪我去,我哋只可以係門口交低,再等醫生call 至知道咩情況
之後我哋係醫院附近度行吓,見到個舖頭入面放咗隻貓咕o臣,好得意,見到我即刻諗起Mango 仔
接到醫生電話,先同我哋講照CT scan 嘅費用,會照啲咩,同意咗至幫我哋做, 會抽埋組織去化驗,我哋同意咗,之後先返屋企,因為要麻醉,又要等佢醒,無咁快可以接佢走,到接到電話可以接佢,都差唔多仔仔爸放工,一於等仔仔爸收工接埋我至一齊去接天師仔,要差唔多一星期至有化驗結果
佢一返到屋企好尿急,即刻去厠所,仲好肚餓,我留定罐頭比佢,佢即刻有得食
醫生只比咗啲雲南白藥比佢“UP”鼻止血,估唔到老番都會用唐人藥物,醫院收我幾十蚊,係唐人街藥房買就十蚊都唔駛
佢成日匿係自己間房度
之後佢都有其他地方瞓,佢多數上床瞓覺,原本醫生叫我哋比佢帶一星期頭罩,但佢成日整甩,就由得佢
佢胃口都算唔錯,等我比嘢食
最後化驗結果係鼻腔裡面有cancer
仍然間中有噴鼻血
我哋再約咗Stacy 介紹嗰間醫生再做檢查,因為嗰間醫院專醫癌症,我哋先send 番之前個化驗報告去呢間醫院
今次阿姐返嚟同我帶佢去睇,醫生只同佢檢查吓,同睇佢個CT scan、化驗報告
話佢需要再做多一次CT scan,要做五次化療,可以keep 到大約一年命,費用大約15k,但呢個價錢,我哋真係負擔唔到,之後可能仲要睇醫生,所以我哋決定唔做
我哋覺得啲雲南白藥都無咩功效,我哋轉咗比靈芝粉佢早晚食
佢食咗靈芝粉之後,噴鼻血少咗,但仍然成日打乞痴,會流分泌物,依家都過咗差不多半年,我覺得佢keep 得好好,嗰陣佢成日匿係衣櫃裡面
依家成日都會出嚟,可能天氣又熱咗
佢精神好好,又肯玩吓
雖然佢仍然鼻有分泌物,見佢肯食,有大小便,肯玩,仲會討人摸佢,噴血都少咗好多,今次出post,我一邊寫都一邊好心痛,知道佢生命係倒數緊,但我會好好珍惜呢啲時間同佢相處
真係睇到心都實哂,最慘係天師仔講唔到比妳知佢辛苦定點,不過,我相信佢明白妳和家人好緊張佢,只要佢肯,陪佢幾耐都得。
回覆刪除暫時佢都好隠定,都ok
刪除知道呢件事心都實
回覆刪除盡量睇下有乜嘢食療
或者藥物可以令佢舒服啲
愛他到最後一日
“愛他到最後一日”,我一定會
刪除好心痛 😭
回覆刪除我都係
刪除睇到我心都實埋
回覆刪除希望佢能夠開心生活到最後
會愛他到最後一日
刪除好好珍惜相處時間吧!別太傷心牠感覺到㗎!
回覆刪除我會愛他到最後一日
刪除照顧貓貓之餘都要照顧好自己
回覆刪除明白,妳都一樣,共勉之
刪除我睇到都心痛呀,嗚嗚。。。。。。 希望天師仔走得舒服。
回覆刪除但願係咁
刪除好耐冇上嚟
回覆刪除知道呢个消息我都好心痛
天师仔加油
仔仔妈加油!
Marble 仔前日走咗,估唔到係佢最先離開我
刪除😭 接受唔到 😭😭😭
刪除仔仔媽保重 (hug)
Sorry to hear of this news. The most important is to try to live each day to its fullest - with losts of love and care. Talk to him more. Each day just try to happily end it with a big thank you that we are all together and happy.
回覆刪除Qaulity of life is more important than time.
God bless you all