上個星期見到Marble 仔每十零廿分鐘就去一次砂盤疴尿,每次都疴少少
好多時見佢一疴完尿就即刻去飲水,仲飲好耐
不過見佢仍然好生猛,佢見老豆食嘢,佢又想八吓老豆食啲咩
好驚佢會係尿道炎,或者係其他,即係同佢去睇急診
佢不停咁喵喵叫
今次去屋企附近嗰間動物診所度睇
診所姑娘同佢探熱同量體重
然後就等醫生
佢賴咗尿係人哋張凳度
後來醫生帶咗佢去照超聲波,等待期間,我係診症室影低咗一啲有用嘅資訊
仲發現診所有隻診所貓,好靚好可愛,我不停同佢玩
醫生話佢膀胱有啲嘢,不過唔知係咩,要我返屋企留佢啲小便比佢哋驗
返到屋企佢都仲係好唔開心,到食罐罐餐嘅時候,佢都無心機,無埋貓枱度食,唯有攞去梳化比肯食
貓樹底張貓床,通常只有Mango 仔去瞓,見Marble 仔走咗入去,就知佢幾咁唔開心
第二日,留到Marble 仔啲小便,我帶去診所放低,又見到診所貓
驗尿結果又無咩問題,仲要繼續觀察
無咩問題就好啦 👏👏
回覆刪除如果似我個位有尿結石, 又要安排食特別糧, 仲要成日睇住佢無偷食其他野
想問尿結石係咪驗尿就驗到﹖
刪除係呀, 當時Rouquin又係尿頻, 帶佢睇醫生, 驗尿後發現
刪除冇咩問題就放心 😊
回覆刪除希望真係無事
刪除Marble仔無大問題就好🙏🏻,返到屋企個樣咁愁,可能係吃醋妳掛住陪診所貓玩,都唔介紹新朋友佢識🤪
回覆刪除希望佢真係無事,佢比人舞咗一輪,當然唔開心,佢應該唔知我同診所貓玩,嘻嘻
刪除希望係小病是福。要身體健康呀!
回覆刪除希望佢真係無事,可以健健康康
刪除最怕d細路有事
回覆刪除又唔識講邊度唔舒服
心都實
係呀,見佢唔舒服,我都唔舒服,唉
刪除冇事就放心,健康最重要。
回覆刪除有心,希望佢真係無事
刪除祝Marble仔快啲好番身體健康!
回覆刪除多謝
刪除