屋企少咗隻貓，感覺真係好唔一樣，成屋都有佢嘅身影，Marble 仔臨走前幾日嘅相片
成日擺出天真無邪嘅樣子，應該係佢覺得好唔舒服
有時佢無匿埋，我就哄佢上梳化陪我
以後開飯時，唔駛再提防有貓會上枱偷餸食
整貓早晚餐，只有六碟，又再無貓幫手舔罐頭蓋掩啲汁汁
以前有天師仔、Marble 仔、Mango 仔食雞胸肉，至從天師仔有病就開始唔食，依家得番Mango 仔食，食埋呢舊雞，就唔再整，同其他貓地一齊食罐頭
Mango 仔又無得再偷食隔離Marble 仔啲雞肉，我又會諗起派餐時，Marble 仔好緊張會叫嘅聲音
無咗Marble 仔幫手清其他貓啲手口尾，比晒Mango 仔食，實肥屎佢
水機底張墊可以唔駛再墊，因為Marble 仔飲水前好鍾意用手潑水落地，張墊又可以比佢印吓手仔啲水
以後再執唔到屬於Marble 仔嘅鬚了
見到啲貓砂，就會諗起佢隻手腳成日帶啲貓砂週屋都係
行過呢度就會諗番佢係診所嘅情境 (診所附近)
Marble 仔以前最鍾意瞓梳化，呢張墊都係為佢而設，依家我已經收起咗
其他貓地都好乖，週不時會上梳化陪住我
尤其係Charco 仔，其實佢平時比較少瞓梳化
我坐埋佢身邊佢都唔走
我諗其實佢哋都感受到屋企少咗隻貓，Marble 仔走咗之後，我發覺天師仔唔再入房瞓，佢平時下午會瞓係灰色張地墊度，而Marble 仔會瞓後面嗰兩張貓床
依家天師仔會匿入衣櫃瞓，夜晚佢情願瞓厠所都唔入房瞓
以後我臨瞓前數貓，只可以數六隻，其實要睹物思貓，感覺真係好唔好受，知道連貓地都感受得到，我更加心痛
這種「睹物思貓」的難過，可能還會持續好一陣子，慢慢來吧，也不要逼自己急著適應，這個「洞」是需要時間來療癒，貓地們也很乖，一直陪伴著妳，妳心痛，牠們也感受到。
回覆刪除一諗起佢又眼濕濕
刪除大家都需要少少時間適應。回憶一下點滴，甜左心頭呢。
回覆刪除我已經好好多，睹物思貓，一定難免
刪除需要時間
回覆刪除係好難過的
我已經好好多，睹物思貓，一定難免
刪除掛住佢係正常架, 大家都要慢慢適應
回覆刪除我已經好好多，睹物思貓，一定難免，諗起又會眼濕濕
刪除睹物思貓，難過一定有，用時間會慢慢回復過來，加油！
回覆刪除多謝大家既安慰，其實已經好好多，仍然諗起會眼濕濕，都知道係難免係咁，要用多啲時間至溝淡到
刪除會過去的dear！
回覆刪除我明白
刪除