等候阿姐生產嘅日子,啲貓孫、狗孫都一樣等緊
而準爸爸就打住機、睇吓波、砌住Lego 等阿B出世
而我就成日用零食攻勢,成功氹到啲貓孫嘅陪伴
而Sundae 呢隻貓食貓,有零食至會嚟黐我,佢好醒,我收埋係被底,佢都知道
而兩隻狗孫呢,Rocky 因為比較曳,所以要長期隔離,有時佢又係度吠,所以有時仲要畀老豆“封咀”,真係好慘慘豬,Rose 比較乖,有時會畀佢出廳瞓
我唔偏心只錫貓地,我每日都會畀狗零食2R,氹佢哋
平時我係屋企只要煮一餐,去到阿姐度就要煮兩餐,午餐煮好會係我間房度一邊煲劇、一邊食飯,咁有時阿姐都會落廚整嘢畀我食,呢日lunch,阿姐整咗個牛油果三文魚焗飯,包紫菜食,隻為食Sundae 嗅到三文魚味又要食
阿姐之前買咗一袋紅薯仔,襯啲紅薯出芽之前要清咗佢,阿姐就出手整個蠔油薯仔豬扒
煎豬扒嗰陣,留啲畀2R食
每次我哋一開飯,一定有Sundae 份,哈哈
平時係女婿負責餵貓狗,有時女婿出咗去未番,就阿姐負責餵,有時女婿係土庫掛住打機,過晒鐘都未餵,搞到貓地係度扭人開餐,我都會唔抵得啲孫餓親我走去餵
要食飽至可以大覺瞓
貓地無所事事時,Macy 又會撩吓交打
你有豐富湊b湊貓狗經驗
回覆刪除一定掂
咁我鍾意湊貓多啲囉,哈哈
刪除好熱鬧嘅一個月,要顧大又要顧細,雖然忙,但應該都好開心!
回覆刪除我都唔駛點顧個BB,BB父母都爭住夜晚湊,我一心都係想顧好阿姐,等佢食飽啲,見佢補眠至幫吓手睇住
刪除貓貓應該好開心, 多咗零食😂
回覆刪除阿姐唔係成日開罐罐畀佢哋食,我隔日就開罐罐,狗狗日日有狗餅食,啲孫一定勁鍾意我
刪除呢排會唔會去探下佢地? 我估你一定好掛住
回覆刪除其實打算都係一個探一次,呢個月尾阿姐會自己返嚟一日,應該到三月至會見到粒孫
刪除近幾個月太忙了!終於可以嘆Blog喇。
回覆刪除見妳頻頻出去食好西,就梗係忙啦,所以好耐都無見妳啲羅家飯,呢排係妳呢Blog,我又留唔到言了
刪除