嚟探公公婆婆

原本上個星期日仔仔爸打算去探阿姐一家，但阿姐見Charco 仔唔舒服，話返嚟睇吓Charco 仔

阿B由一上車瞓到落車，啱啱瞓醒個樣

阿女婿一坐低係梳化，Mango 仔即刻跳上佢大髀嗲住佢、黐實佢

阿姐入房睇Charco 仔

仔仔爸舖張毛毡被係地下畀阿B，啲貓地又嚟八掛吓

要阿B 表演轉身畀公公婆婆睇

仔仔爸見阿姐一家返嚟，想畀敏姐見吓阿B，約佢出嚟食Lunch，敏姐一見阿B 大讚阿B 好得意好靚女

仔仔爸掛住玩孫都唔得閒食

阿姐兩公婆話想去買啲嘢，叫我哋幫手湊一陣，推阿B 返屋企嗰陣佢瞓著咗，但入屋一抱起佢，佢又醒咗

諗住畀啲奶佢食，等佢瞓覺，點知飲晒啲奶都唔肯瞓，又呃奶飲

Mocha 唔抵得阿B 霸住阿娘，走埋上嚟大髀坐，大叫︰唔好霸住我阿娘，畀番阿娘我呀，哈哈

公公又同阿B 玩，直至阿姐佢哋返嚟

見阿姐返嚟煲定啲老火湯畀佢打包返屋企飲，仔仔爸仲買咗榴槤畀阿姐食

因為落雨怕塞車，所以阿姐早啲走，阿B 一上BB 車推落街，已經想瞓，又係一上車就瞓到返屋企

下個星期日係母親節，輪到我哋去探阿姐一家，去食個Lunch 慶祝