返咗香港個幾月，一返到嚟，Chewy 都認得我把聲，都好快就唔怕我，但佢好耐無見佢阿娘，所以佢又驚驚，匿埋咗，阿姐知佢驚，都無特別去搞佢
第二朝，阿姐想食鼓油皇炒麵，所以去咗食粥，仲有阿姐鍾意食嘅牛脷酥
阿姐話既然佢自己一個人返嚟，佢話佢都好耐無見過契媽，又想同契哥傾吓計，所以一早已經約定契媽會去佢屋企
一入屋，比熱情嘅Biscuits不停咁哄住
傾到下午，契媽話三大道新開咗間日本Market，有拉麵食，不如去行吓去食拉麵
個Market 比較細，所以唔算多嘢賣
旁邊有幾檔便食
買咗嘢食可以出外面坐，不過依家天氣咁凍，都唔會走出去食啦
其實呢度以前係工廠大廈，有衣廠，傢俬廠，因為呢啲工業息微，依家將呢幾楝大廈，打做成有藝術成份熱點，就類似香港“大館”、“PMQ元創方 ”、“JCCAC” 咁
其餘大樓都有食肆
後來我哋返去Market 嗰邊食拉麵
食完行多陣，臨走前去多次厠所，冬天4點幾5點就已經天黑，外面已經亮燈，又另有一番氣氛
返到屋企，Chewy肯睬吓佢阿娘，比阿姐同佢梳毛
又肯返房上床陪玩
尋日瞓醒，Marble仔走去黐實阿姐，陪阿姐食麵包
阿姐臨走前，又黐吓貓地
每次阿姐返到屋企，都會send 張貓相比我，即係話佢已經返到屋企了
阿姐乖乖，放假就返黎探阿娘！
回覆刪除拉麵好正咁喎，你地都有幾個人，唔試多幾間餐廳，可以每間試少少都好嘛。:)
阿姐點都要浦吓頭，唔驚佢阿娘我嬲嬲豬咩，哈哈
刪除我邊食到咁多嘢，其實個拉麵都唔錯食，份量唔多，契媽食完都話飽了，但我就覺得唔夠囉
阿姐好乖女, 陪阿娘, 又陪貓地, 仔仔爸會唔會呷醋?
回覆刪除唔會，佢都知女係黐阿娘多啲
刪除你個個貓頭都好巨型
回覆刪除其實得天師仔同Marble仔大隻，Charco仔、奇哥係正常身型，Chewy直頭係細細粒啦
刪除Chewy越大越靚女！
回覆刪除佢真係越黎越靚
刪除阿姐好乖，D孫又乖。
回覆刪除所以我都幾安慰
刪除E+唔可以成日見到阿姐, 貓哋實好掛住佢, 阿姐返到嚟, 實痴返夠本 haha
回覆刪除啲貓肯黐實阿姐，阿姐都不知幾開心
刪除間日本market 值得去嗎?
回覆刪除間Market真係好細間，我情願去Mitsuwa
刪除