太平館

今次返香港，雖然唔駛我成日幫手湊o靚妹，但我都無點約啲貓友，因為都係唔想打攪人哋，所以就算我無街去，多數都係留係屋企陪住姨甥女同個o靚妹

有時無街去，三條友，由其我姨甥女同個o靚妹，好多時都係瞓到10點、11點至肯起身，至去食過早加午餐，又再返上樓hea 過，有時又等埋三家姐收工返嚟先去食過下午茶

我個姨甥孫女差唔多兩歲，但係就仲唔肯講嘢，所以我姨甥女幫佢申請咗啲免費課程，有感統訓練、語言治療，有時佢哋要去上堂，我都會陪埋去，上堂地點都好近，就係附近石圍角村

呢日中午上完堂，就call醒我個妹(佢通常一放假嗰日嘅前一晚一定會上嚟過夜)，一齊搭地鐵去旺角，先去金華冰廳食個馳名菠蘿油

之後去金都商塲搵細妹個friend 間舖頭，R“電視框”買啲嘢😆😆

話說某日我話好想食梳乎厘，咁姨甥女話以前出名食梳乎厘就係太平館，咁原來我哋無人食過呢間老字號，所以決定呢晚去食，我哋買完嘢就行去佐敦，已經約埋三家姐、姨甥放工係太平館門口等

啲嘢食都ok 好味

個梳乎厘到我哋食埋甜品至上，但我覺得唔好食，之前都聽人講話太平館啲嘢差咗，不過估唔到個招牌菜咁差

返香港期間，仔仔爸時不時都會send 啲貓相過我睇

send呢兩張係想我妒忌嗎

阿姐都會send 兩粒孫啲相比我睇

阿姐話有兩日同男友仔去玩，行街買咗啲戰利品，其中有我兩粒孫份