平時廳個窗我都會開住，就算佢瞓係張毡面，啲冷風吹入嚟都凍架嗎，Chewy 覺得凍都會搵掟取暖，而佢就唔會囉，所以屋企一無暖氣，佢就“瀨”嘢了
見佢食嘢又無咩胃口，尤其乾糧想食又好似唔想吞咁，又打乞痴，又打開口抖氣，就知佢一定又係肺炎發作，即日book 時間同佢睇醫生
係診所前枱見到有隻貓仔呢，我摸佢唔怕人，但掛住瞓
佢都有啲緊張，係咁行來行去
見到醫生匿咗係度呢，醫生聽完佢心臟話有啲雜音，下次要返去check 心臟
都係食番上次嗰種消炎藥水，後來驗血報告話佢腎指數有啲高，下次覆診要再驗多一次血，順便睇吓佢平時要食成世嗰隻藥，需唔需要加大份量，呢日都係不斷比罐頭佢食
之前除咗唔鍾意食乾糧之外，連佢至愛雞肉都唔食，但第二日開罐頭比佢，佢反而唔食，想食Marble 仔啲雞肉，所以即刻整過佢食
又肯食番雞肉，乾糧呢我用手餵佢就食多啲，証明佢已經好番好多，但仍然有打乞痴，今朝又出嚟等開餐，好耐無見幾隻貓一齊係貓兜長枱度食，因為有啲貓有時唔會出嚟等嘢食，當時佢哋身處係邊，我就room service 過佢哋食，尤其Chewy 佢一有貓騷擾佢就唔食行開，所以依家比佢係床褥頂度食
醫生有無講清楚係乜病？
回覆刪除如果係腎或心
就要小心處理
係肺炎，腎要下次再驗血至知，心臟方面，醫生話要check 過係咪心臟問題至會影響呢個病，但上次有呢個病時，佢心臟都無問題，應該唔關事，睇吓下次覆診再驗咗血至睇情況
刪除肯食返野都安心啲！祝天師仔藥到病除，驗血報告靚靚仔仔！
回覆刪除多謝，承妳貴言
刪除天師仔快d康復，唔好要阿娘和我地貓奴們擔心 ♡
回覆刪除佢已經好番好多，有心，希望佢食番肥啲，見佢瘦晒，真係好肉赤，鍾意見佢肥嘟嘟咁樣
刪除慘慘係瘦咗少少,天師仔今年幾多歲?
回覆刪除佢係瘦咗好多呢，估計佢12-14歲，比Charco 仔大，Charco 仔今個月都12歲了
刪除有d心臟病年紀大才出症狀
回覆刪除上次睇醫生都無事，都知貓貓上咗年紀心臟會有問題，只希望唔嚴重
刪除好彩都肯食野, 如果唔係, 更加無氣力啦
回覆刪除見到佢地唔舒服, 真係心都實
祝天師仔早日康復
多謝妳，佢已經好番好多了，又肯玩吓小玩具
刪除見到佢哋病，真係好心翳，希望佢食多啲，肥番啲，鍾意見到佢肥嘟嘟
祝天師仔快D好番
回覆刪除食咗藥，佢已經好番好多，多謝妳
刪除天師仔要快 d 好返呀 💪💪
回覆刪除冇暖氣時, 可唔可以幫佢著返件衫?
多謝，佢已經好番好多，食晒啲藥應該會好番晒
刪除下次無暖氣，真係要同佢著番件衫至得
天師仔要快D好番啊！唔係擔心C你阿娘！
回覆刪除多謝，佢已經好番好多，希望佢食多啲，肥番啲，鍾意見到佢肥嘟嘟
刪除祝天師仔早日康復。
回覆刪除多謝，佢應該已經好番晒
刪除