當然即刻Book 去睇醫生啦
呢條友仔真係好抵C，全程比醫生、姑娘狂摸都無出口咬人，但返到屋企摸吓又咬人
醫生話可能係敏感喎，check 過隻眼又無損傷，只係比咗消炎眼膏搽眼
行返屋企途中，佢又瀨咗尿
返到屋企佢好唔開心，走咗上廚櫃頂度瞓覺
當晚幫佢搽咗眼膏，怕佢用手點到，所以幫佢帶番個頭罩
朝早搽咗，我下午都會幫佢除頭罩鬆吓
搽咗幾日，眼水少咗，但都係成日矇起隻眼
點知隻眼都未好番晒，上個星期佢又輪輪盡盡想跳上雪櫃頂，跳唔上，抓跌成盤玻璃杯落地下，仲比啲玻璃碎𠝹親隻手，即時週地都係血
即刻幫佢用止血噴霧同佢止血，再加番個頭罩比佢，怕佢舔傷口
仲困佢係房養傷
原來隻手仔都有比玻璃碎片彈到
等仔仔爸收工返嚟，搽消炎藥膏再包紥
要睇實佢個傷口，唔包紥，只係搽消炎藥膏，就要帶頭罩
佢一帶咗頭罩就最鍾意瞓係呢張貓床度
帶咗頭罩好可憐，佢走入嚟房搵我呢
佢食唔到嘢、飲唔到水，我又要餵佢食嘢同飲水
瞓瞓吓，佢又瞓咗出去，哈哈
隻眼終於好番晒，好彩腳仔傷口唔算好深，唔係又要去睇醫生，我姑仔話佢係敗家仔，成日都要睇醫生
貓貓都用bausch and lomb藥水，真係人一樣喎。 希望我BB快D好返。
回覆刪除只要佢唔再百厭，就一定好快好番
刪除佢曳過一次
回覆刪除以後都會乖
始終安全感未夠先會咁
眼睇唔清失平衡平估
希望佢以後真係會乖啦，佢不嬲都好輪盡，有時跳上枱都跳唔上，有時佢又驚驚青青咁跑來跑去
刪除Mango病親就嗲嗲陌生人，但又唔俾屋企人摸下，又確係幾抵C，不過佢搞成咁，真係肉都赤埋，希望佢快快康復啦！
回覆刪除證明佢専呃陌生人，熟咗既人就唔駛再扮嘢，真係正衰仔，見到佢有事梗係肉痛啦，睇埋醫生既話，個荷包仲痛呀，哈哈
刪除哎呀慘慘!!!肯定以後唔敢去嗰個位!D玻璃杯跌落嚟時肯定嘛C佢!好彩你地照顧得好咋, 咁而家個傷口埋晒口未?係咪腳痛跌少咗?
回覆刪除eee...打錯好多字原來🤣
刪除*「嚇」c佢
**「跳」少咗
依家傷口埋得好好，包紥咗佢行走時都唔覺佢痛，無異樣，依家嗰個位我都唔敢再放杯，因為平時佢跳上雪櫃頂都係經嗰度，希望佢唔好再咁百厭
刪除eeee....咁你噴嗰d止血噴霧同埋消炎膏係貓專用嗰d?
刪除參考下你,第時touch wood有咩唔洗呢咁hea!
係人用的，霎時去點度搵貓用嘢，梗係用人用嗰啲頂住先，貓用都應該無影響呱
刪除妳這個仔好似我的豆豉哥（啤啤），又係咬自己人，又係打爛玻璃 > <...
回覆刪除幸好我的沒有整傷；乖la Mango仔，唔好再百厭la。
可能佢仲細啦，再大啲就無咁百厭
刪除可能佢睇唔清楚, 所以攪到跌親
回覆刪除希望芒果哥快D好番哂
佢肥咗好多呢，越肥越輪盡，佢個傷口埋得好好呢
刪除最緊要冇事就好了！
回覆刪除都好彩唔係好嚴重，希望佢以後唔好咁百厭
刪除