之後開始蘿蘿孿,仲引到仲係年輕但已絶咗育嘅奇哥仔同Mango 仔做出啲不雅行為
見阿姐返嚟,我買定個榴槤返嚟同阿姐一齊食,Minnie 又八卦,不過佢好乖,只靜靜睇住無搞搞震
Charco 仔同奇奇一早上定床,打算陪阿姐瞓
連Mango 仔都上床搵阿姐
呢晚開始Minnie 要斷食糧水,所以要困房瞓,我一早set 定晒啲“架步”比Minnie,Mango 走入張貓床度,係想霸番張貓床嗎﹖
第二朝四點半就起身,仔仔爸沖定咖啡同整定三文治比我哋去等排隊時食,我已經放定個貓籠係房,我一打開個籠門,佢好乖自己走咗入去,應該係好奇至會咁乖走入籠,上咗車佢都只係間唔中喵一聲
我哋去到只係六點半,啲人都自發簽定名排隊,有人3 點鐘已經嚟到排隊,阿姐都提示啲比我哋遲嚟啲人去簽名,以免佢哋唔知,錯過咗,因為每日只收25隻動物
架絶育車準時7 點嚟到
今次比較多狗狗嚟做絶育
都有貓地
放低咗Minnie 就返唐人街,阿姐去剪髮同染髮,我就返屋企餵貓地同去洗衫,等阿姐差唔多搞掂我去搵阿姐,同阿姐去食lunch
之後返屋企,等夠鐘至去搵Minnie
接咗Minnie,藥力未過,暈吓暈吓
又腳仔軟軟,又唔鍾意帶住個頭罩
佢可能好想去VV,但帶住個頭罩好唔舒服
水同糧都唔願食,係都想要除咗個頭罩
佢再次走入個厠所,奇哥仔都係度睇住佢
阿姐一直係房陪住佢,阿姐怕佢又想除頭罩,叫佢入籠,佢又儍儍的自己入個籠度
再過多陣,藥力又過咗好多,佢終於再撑甩個頭罩,仲跳埋上櫃頂
待續…
當時佢有無不停叫?
回覆刪除阿姐轉左髮色, 唔錯噃
佢無咩點叫,算好靜,但見佢發情時都好辛苦
刪除阿姐都好多年無染金色,其實我唔鍾意囉
咁犀利可以自己除罩,佢真係好叻又好唔高興喎!
回覆刪除跳上櫃頂,千其唔好整親呀(擔心)。
佢真係好勁可以撐甩個頭罩,我都驚佢整親傷口,不過第二日佢已經好似無事般跑來跑去
刪除叫佢唔好引我mango bb呀!
回覆刪除絶咗育就引唔到啦
刪除time flies
回覆刪除大個女了....
變少女了,但個身型就永遠係小朋友
刪除o岩啦! 快快做手術安心好多,不過小心變肥妹仔~
回覆刪除係呀,見佢發情時都覺得佢好辛苦,希望佢好似Chewy咁,知道自己係女仔,應該要keep fit,唔好食到肥晒,哈哈
刪除好在其他麻甩仔都絕晒育, 如果唔係血氣方剛就大件事!而家放心晒啦!
回覆刪除嘩有人3:00去真係好早!
阿姐幾襯個新髮色,靚女!
見佢發情時都覺得佢好辛苦,3:00又真係早過頭囉,但我唔鍾意阿姐染金色
刪除做咗絕育放心晒!
回覆刪除係呀,見佢發情時都覺得佢好辛苦,咁以為佢就唔駛再辛苦了
刪除