間中去覓食 — 後續篇 2

食完韓餐就行去Rockefeller Center，每年都係呢棵掛滿燈飾o既聖誕樹

附近o既燈飾，其實年年如是，至在o黎熱鬧吓

望到隔離街Saks Fifth Avenue 個燈飾佈置，會按時間隨音樂閃動

每年呢度都有放Swarovski 水晶星星，每年佢哋會設計一個新款o既星星

原來我哋上次o黎睇呢棵聖誕樹係十年前，點解咁肯定，因為當年我哋係呢度買咗當年出嗰款水晶星星，後來比Charco仔整爛咗

我哋都買咗今年出o既水晶星星

睇完呢邊，兜去Saks Fifth Avenue 睇嗰個音樂閃動燈飾

呢條片就比較長，但就係全個show

睇完就行返去搭subway，經過中央圖書館

經過Lord and Taylor，佢哋啲裝飾都好靚

終於都行完，返到屋企都成12點，阿姐男朋友仔仲住得遠啲，12點半至返到屋企

呢個係我今年o既聖誕禮物

話晒標題係“間中去覓食”，當然要繼續講食

其實我同阿姐成日撇甩仔仔爸去街街，有時星期日我哋兩母女會去茶餐廳食早餐，次次都係食呢兩個餐，我就炸菜肉絲米粉，阿姐就雪菜肉絲米粉，有時就加多個西多士

因為仔仔爸唔鍾意食甜食，所以我同姐出街見到甜品都會去試吓，見唐人街咖啡店有花茶，又走去high過tea

又見唐人街開咗間西式麵包店，又試佢啲甜品

尋日同阿姐去行Broadway，特登行埋上St. Mark食甜品，之前見過呢間，原本打算約埋啲表妹先o黎試，不過忍唔住，我兩母女試咗先

呢個係節日限量，啱啱做埋尋日，所以一定要試，但我覺得呢個太甜

呢餐阿姐比錢，阿姐真係乖

食完甜品行番屋企時，阿姐又話唐人街開咗間新店，我又話要試

左邊係甜的， 右邊係咸的，攞番屋企至食

呢個啱啱阿姐晏就同個Best friend去Happy Hour，之後特登去“Dough Doughuts”度買，話呢間好出名喎，佢最想試榛子朱古力味，不過買唔到　

不過仲未食，因為就o黎食晚飯，右邊嗰兩個買比男朋友仔屋企，佢話要成$3 一個，好貴呢，不過又好鬼大個嗰喎，食完一個都飽晒啦

死啦，聖誕前阿姐又係男朋友仔屋企，佢阿娘整咗幾盒蛋糕返o黎，係雪櫃都仲未食呀，雖然男朋友仔家係波蘭人，但整啲甜品都唔算太甜

右邊嗰三盒，今個新年真係肥屎了