去郊遊

前年勞工節同大伯、姑仔、叔仔幾個 family 一齊去咗 Rhode Island三日兩夜，玩得好開心，當時大伯仲話費城“長木公園”好靚，可以plan 去行吓

上個月姑仔send 咗條 link 介紹 New York 州各大賞花地點我哋睇，咁最後佢哋約實上個星期日、地點就出發去郊遊賞花

佢哋揀咗去 New Jersey "Great Swamp National Wildlife Refuge"

各家庭各自楂車係嗰度集合

我哋去o既時候行錯路，U turn o既時候見到人家外面有匹馬，我哋走咗落去影相

目的地集合地點，其實呢度係一個類似米埔同濕地公園o既地方

有個辦事處，裡面係介紹呢度有啲咩嘢睇，仲有工作人員講解

會有季候雀鳥

會有野生動物、昆蟲，如蛇、狐狸，黑熊都有

有一角設有比小朋友學習o既 area，有圖書睇、有標本

仲可以填吓顏色

有紀念禮品賣

其實呢度佔地好廣，之後我哋楂車去濕地公園嗰邊行吓，出發前啲工作人員話可能會有黑熊出沒，叫我哋小心啲

去到濕地公園門外，有圖片介紹，會有青蛙、蛇、龜

由木橋道開始行

阿姐跟佢新男友仔車，車埋佢個roommate，係康州出發，我哋就幫阿姐接佢個 best friend o黎

沿路行係一啲沼澤，有人係沼澤度見到有蛇走過

有龜

有青蛙

再行入啲就係樹林

佢哋見到棵倒塌o既大樹又玩一餐

有隻花栗鼠呀

再行入啲係觀鳥區，近的見唔到雀仔，係遠處見到雀仔拍翼，但太遠，佢哋唔拍翼都根本見唔到佢哋

見再無咩嘢睇，就行番出去，姑仔準備咗啲三文治比大家一齊食，姑仔話呢度無花睇，就 search 附近邊度有花睇，之後再次出發

我哋到達另一個地方，泊好車，行入啲就係一片草地，仲有遍地洋水仙

再入就有個花圃，花圃外已經有好多棵有花o既樹

仲有個癈置o既水塔

阿姐個新男友仔，我哋都係第一次見面

係呀，上次新男友仔整咗張貓吊床之後，又整咗個新跑輪比阿姐個roommate 隻刺蝟，佢嫌隻刺蝟本身個跑輪跑起上o黎好嘈，嘈住阿姐瞓覺，所以特登整個新o既比佢，呢個新跑輪真係靜好多，阿姐話個刺蝟好鍾意，從未見過佢會瞓之前個跑輪度，而佢會瞓呢個新跑輪

言歸正傳，行入花圃

係呢度嗅到好大陣花香

行返出去泊車個大草地，有人遺棄咗個排球，佢哋成班打排球打得好開心

都玩咗成個鐘，最後大家分道揚鑣，各自返歸

其實當日天氣真係好正，又唔太曬，又唔熱，有啲風，行得好舒服，下次要再玩過