普羅旺斯村

另一日，姨甥女晨咁早去地鐵站接埋我好姊妹阿芬，佢自己搭零晨機o黎Join 我哋一齊玩，等齊人起身，呢日我哋繼續Book 咗包車，我係門口等車期間，其實之前一日都已經發現民宿對面間住宅門口放咗啲水同兜，我估係有人餵流浪貓，呢朝發現放咗新鮮嘅乾糧

最後都比我發現貓跡

 導遊小姐部車o黎到，先車我哋去食早餐，姨甥女話要食鮑魚粥， 導遊小姐就車咗我哋去呢間，話呢間老字號

 呢間真係唔錯食，碗鮑魚粥真係一片片鮑魚片，姨甥女話佢之前食過嗰啲連鎖式店嘅鮑魚粥只有鮑魚粒，仲要好少，差啲搵唔到啲鮑魚粒，呢間啲粥味道真係唔錯，只係我唔鍾意食啲咁“杰”嘅粥

之後我哋就去咗普羅旺斯村行吓，又係姨甥女指定要去嘅景點 

有兒童遊樂塲，阿B 玩得好開心

唔知係咩嘢生果

 其實呢日只想去普羅旺斯村同夜晚去食海鮮之外，我哋都無特別嘅安排，導遊小姐問我哋想唔想去行公園，但我哋都無興趣去，之後我哋去咗Outlet，係Outlet 超市仔行吓

 想話先食嘢，原本搵咗間韓餐廳，但入到去個待應好似唔想招呼我哋，猛話所有嘢都係辣的，但我見佢門口個Banner 啲相有啲嘢係唔辣的，既然人哋唔想招呼就算啦，後來我哋去咗隔離食漢堡包，後來導遊小姐泊好車o黎搵我哋，我哋講咗個待應嘅事佢知，佢話點可以有呢啲咁嘅服務態度，走去話個待應，仲要個待應過o黎同我哋道歉

 其實我哋對行Outlet 興趣都唔大，佢哋話想去買零食手信，所以我哋唔行Outlet，導遊小姐就車我哋去咗大大型超市買嘢，佢哋買到停唔到手

 之後我哋就去魚市場挑seafood

姨甥女話要食生八爪魚，又係話好好食，好變態呀佢

 

去到魚市場食長腳蟹都好似係指定動作

 食完行出去時，見到有貓，我比零食佢食，佢唔食呢，梗係食慣海鮮，零食呢啲cheap 嘢唔啱佢胃口啦

 咁呢一日就咁玩完，返去瞓了