探貓貓

我姑仔知道阿Pat 掛住Bubble，所以約我哋星期六去佢屋企開餐，仔仔爸嗰晚先去接阿Pat，再o黎接我收工，出發去長島我姑仔屋企，當晚仲約埋姑仔一啲同事，我哋之前都已經見過

我姑仔一早已經講咗Bubble 怕陌生人，預咗去到佢屋企Bubble 都唔敢出o黎，我哋去到時，Bubble 已經匿咗係樓下床下底，所以阿Pat 想親親Bubble 都唔得了

而Nicole 就無咁怕陌生人，但當晚見咁多人，佢都有啲驚驚，其實佢已經算叻，都無話特別去匿埋，除非太多人哄埋去

開始開餐

仲有阿姐表妹整嘅Creme Brulee

後來Nicole 返咗落樓下梳化陪爺爺嫲嫲，我臨走前去摸摸佢

今年紐約好早就落雪，截至尋日，都已經落過四塲雪，好彩每次都唔算落得好嚴重

呢幾日又落雪，天氣又勁凍，之前阿姐返o黎執嘢，無執到件羽裓走，康州比紐約更加凍，所以尋日特登攞嘢比阿姐，見吓阿姐，順便要見吓我嗰兩粒孫女

之前一日落過雪，所以週圍都係雪

之前阿姐門前個裝飾，阿姐幫佢帶咗聖誕帽

 未入屋已經係窗口見到貓

兩隻貓都唔太怕生

媽媽Macy

 囡囡Mittens

初初公公抱抱唔係幾肯，後來覺得抱得舒服呢

Macy 去便便，阿姐特登買呢個電動貓厠所，方便佢哋如果行開兩三日，都唔怕個貓厠所污糟，佢哋唔肯去，仲買埋定時餵食器、流動水機比佢哋

兩母女爭玩貓屋

又抱抱Macy

我哋上樓參觀，Mittens 又八掛跟埋上o黎

之後坐係梳化陪爸爸打機

後來兩母女又再爭間貓屋，不過Mittens 原來係去咬塊貓枛板，阿姐話佢好鍾意咬貓抓皮，有啲貓枛板已經比佢咬碎到無咗一忽

見男友仔打緊機，我哋出去行吓睇吓有無貓，不過天氣好凍呀，應該都唔會有貓係街流連

呢間屋裝飾得好靚

唉吔，有貓呀，初時以為係有貓無門口入，阿姐認得佢係嗰隻主人搬走咗遺棄佢，阿姐想收養佢嗰隻貓呀，佢可能見呢間屋門前無咩雪，又有張地毡，想取吓暖，佢好怕人，我哋行埋啲都想走，唉，見佢咁慘要捱凍，又幫佢唔到，真係好心翳，希望佢搵到個暖啲嘅地方，可以捱過冬天

之後我哋返去攞車，去Foxwood 賭塲搵嘢食，係屋前見到Macy 係窗前

Foxwood 賭塲

好大個酒櫃，由樓下嗰層伸延上o黎

康州嘅日落

我哋係呢間食墨西哥餐，黑蚊蚊好有情調

賭塲連住旁邊係一個Outlet，食飽我哋去行吓

因為只揸仔仔爸部車出去，所以要載阿姐佢哋返屋企，阿姐屋前開咗燈飾都幾靚

好彩假期無塞車，個幾鐘就返到屋企