下個月頭係我生日,通常阿姐會提早返嚟同我食飯慶祝,雖然紐約開番堂食,但紐約出咗規條,要啲食肆檢查針卡至可以堂食,但阿姐佢唔想打疫苗,佢又無打針,咁佢話康州無呢個規例,所以叫我哋去康州食,加上佢呢個weekend又去搵外快,話可以帶埋我去陪佢開工
先去阿姐屋企放低啲嘢先,仔仔爸又買咗好多食材畀阿姐,見聽日中秋,阿姐鍾意食碌柚,我又叫仔仔爸買過比佢,仲要幫佢去埋皮,塊皮叫阿姐自己曬乾,等過農曆新年用嚟煲水畀佢同埋貓地沖涼抺身
入阿姐間屋要先經過男友仔阿媽屋企,見到佢阿媽隻狗綁係門口,佢不停咁吠我哋,好嘈
係阿姐屋企門口,見地下一地都係栗子,原來門前有棵大栗子樹
一入阿姐屋企,Rocky 已經係咁吠,佢見到我哋好興奮
見到Macy已經係個廳度,Sundae同S'mores 就係房入邊望我哋
Mittens 原先匿係枱底個紙貓屋度,後來匿咗入廚房
頂唔順Rocky 咁熱情,困番佢入籠
Rose 又要驚我哋,但又想同我哋玩
Macy 後來走番入房,Mittens 就係廚房走番出嚟匿係枱底
阿姐近排開始留意啲屋盤,佢又見到有間屋open house,見我哋嚟到就一齊去睇,呢間屋都唔錯,阿姐同男友仔都幾滿意,希望可以買得成啦
之後就跟阿姐去開工,餵貓
兩隻黑貓見阿姐開餐好緊張呢,隻長毛黑貓叫Beef,阿姐抱咗佢落地下,佢又跳返上枱
之前一日,阿姐去服侍佢哋,帶咗枝貓棒比佢哋玩,呢隻貓好鍾意
呢枝貓棒係喺我對面間老番藥房買,好平,所以阿姐叫我幫佢買多枝,見得番呢兩個款
呢隻貓真係好鍾意玩呢,枝貓棒會留低送比貓地
之後去行街買啲嘢,就去食飯,我話想食壽司
個菠蘿炒飯落咗咖喱去炒,啲味道好似星州炒米,所以我叫佢做星州菠蘿炒飯,哈哈
呢個甜品係炸香蕉伴雪糕,都好食
祝阿姐同男友仔買屋順利!
回覆刪除星州菠蘿炒飯>>>應該幾惹味喎,哈哈!
間屋已經買得成喇,個屋個yard可以比2R跑吓,減吓肥,仔仔爸話依家阿姐間屋太細,都無地方畀貓地走動,搞到貓地越嚟越肥,新屋有個大basement,可以比貓地走上走落
刪除個炒飯個味道真係好似星州炸米o架
恭喜晒呀🎊🍾
刪除買成左間屋, 第日得閒你地可以去探下佢地, 過下週末
回覆刪除過夜應該唔會啦,屋企啲寶貝無人照顧呢
刪除希望阿姐買得成間靚屋,祝妳一家中秋節快樂!
回覆刪除間屋買得成了,我都戥阿姐開心,中秋節快樂
刪除祝:中秋節快樂!人月倆團圓!
回覆刪除中秋節快樂
刪除恭喜阿姐做業主 🎉
回覆刪除祝仔仔家中秋快樂 😊
多謝,中秋節快樂呀
刪除美國的地方大,空間感很好呀。中秋節快樂
回覆刪除最滿意係已經圍好晒成個yard,慳咗唔係比錢整,放心放狗地去yard度跑
刪除祝妳中秋節快樂
預祝你生日快樂先,食餐勁嘅都好丫!👍😆
回覆刪除多謝,有得出去食好西,我又可以煮少餐,我梗開心啦,哈哈
刪除