我的契仔契女（上）

早幾日同個卜友提起我樓下啲流浪貓—即係我嗰三隻契仔契女，咁我就講吓佢哋o既故事

三隻都係全黑o既貓，我諗應該係兄弟姊妹，咁我就由佢哋身型o黎分，大仔—天師，二仔—Shadow（佢左後腳係可能細個時受過傷唔可以屈曲，所以佢行路時係“拮拮”吓），細妹—Chocolate

話說我養咗仔仔之後就發現屋企樓下有隻黑貓，每次見到黑貓我哋都講笑咁話隻黑貓係仔仔o既Brother （當時都唔知佢哋o既性別），後來發覺唔只一隻，係兩隻，睇睇吓原來係三隻，因為初期，好少見到三隻係埋一齊

有一晚返屋企見到一隻貓，咁貪得意喵吓佢，點知佢又睬我喎（後來熟咗至知佢係細妹），仲走埋o黎比我哋摸，不過我哋同佢玩咗一陣就走，之後有時見到喵佢，佢又唔睬，又有一晚見到佢，喵佢佢又過o黎比我哋摸，咁我同個女就留低同佢玩，仔仔爸走返屋企攞貓糧落o黎比佢食，佢一路食一路比我哋摸，佢仲好鍾意比我哋摸添，之後都係間中見到佢哋

後來我發覺啲貓好多時都係我屋企樓下間supermarket度出沒，咁我就試吓去搵佢哋，餵佢哋，如果係 Chocolate佢會一路食一路比我摸，但係天師就唔會比我摸，我幫佢哋改名，我叫咗佢哋幾次，佢哋就知道自己個名，我覺得佢哋好聰明，就係咁我就每晚落街搵佢哋，後來天師見我都無傷害過佢哋，後來都接受我自動走埋o黎嗲我，後來Shadow都係一樣，佢哋一接受咗我之後，原來佢哋好嗲好嗲，我抱佢哋坐係我大髀摸佢哋，佢哋都好鍾意，除咗天師

後 來住係三樓有個西班牙靚女（個靚女自己屋企都有三隻貓）都好鍾意佢哋，每日大約四點，就會攞乾、濕糧放係樓下餵佢哋，仲整咗兩個竇比佢哋，佢哋知道呢度故 定有嘢食，就成日係度“打躉”，我就無再夜晚去搵佢哋，因為我放工返屋企多數係樓下都會見到佢哋，可以同佢哋玩一陣，我見到佢哋真係好開心，仲有佢哋一見 我就會跟住我，好多時啲人見到啲貓跟住我，見佢哋坐係我大髀比我摸都會問啲貓係唔係我養，有時唔見其中一隻幾日，我都會好擔心，唔知佢哋係唔係有意外

Hi，各位好，我係天師，我最鍾意係地下碌碌碌

Hello，我係Shadow，我個樣係咪好Cool 呢