泰行之後

去完泰國之後嗰日，姨甥女仲放緊假，我仲未正式開始幫手湊B，而且阿B 又唔舒服

所以嗰朝我瞓醒就自己走落街食粥同炒麵，我一定會食豬紅魚片粥，因為係呢度食唔到豬紅，呢度啲魚片粥係用雪藏龍脷柳，一啲都唔好食

食完嘢，去買個外賣早餐返上去比我姨甥女，因為個B 唔舒服，等姨甥女食完嘢，仲一齊帶阿B 去睇醫生，陪阿B 睇完醫生，我又乘機走去行荃灣

食吓狗仔粉，嘩，好難食呢，食平平豆腐花，都幾滑

行完荃灣，我買埋Lunch 返去比姨甥女食，我又係爭鮮買咗個甜蝦丼食

Kennis 都係喺荃灣返工，我去接佢收工，佢帶我去一田買太陽眼鏡，之後我哋就去南豐中心，因為我約埋其他好姊妹出o黎食飯，仲叫埋阿姐個契爹出o黎，佢係仔仔爸個舊街坊，一直都好好朋友，偷偷影底send 比仔仔爸睇，佢哋都無見十幾年了

多謝阿Pat 老公請食飯

第二日正式開始要湊B，不過驚佢初初唔跟我，叫咗阿Pat 上o黎幫手，阿Pat 除咗係我個好姊妹外，佢都係阿B 嘅契姨婆，我哋仲一齊帶阿B 去食早餐、食Lunch

因為我夜晚約咗個朋友去旺角食飯，未等到三家姐返o黎我就要出門口，好彩阿Pat 係度

搭地鐵出旺角，去食築地番本日式放題

可愛嘅地鐵廣告

食完行女人街幫阿姐買電單車褸

又行去朗豪坊幫阿姐買鴨公仔

另一日，我咪講過三家姐做家務助理，有時有啲熟客會放低鎖匙比佢，一個月至去做一次清
潔，今日三家姐會去西貢做清潔，我話我都好耐無去過西貢，所以揹埋阿B 一齊陪三家姐開工，初時阿B 唔肯黐我，三家姐一行開啲就喊，唯有辛苦三家姐要揹住佢做嘢，我都有幫手吸塵同抺地，當日天氣好熱，做完嘢我哋都坐到四點至搭巴士去西貢市中心

一去到市中心，經過馬會投注站，三家話聽日中秋金多寶，叫我買張六合彩試吓運氣

買完六合彩先去茶餐廳醫肚，再週圍行吓

有人放貓散步呀

我哋係樹下坐吓抖吓，攞阿B 食嘅麵包餵麻雀

平時睇TVB 電視劇，西貢呢度好多人放狗，但今日可能係閒日，都唔係見咁多人放狗

有巴士直接返荃灣，call定姨甥女放工，去悅來商場間元氣食晚飯