探阿姐

橫掂都未開始講香港之旅，一於講埋呢單先，阿姐同男友仔之前租住嗰間屋租約期滿，咁男友仔個Roommate 話唔想再一齊住，要自己搬開，咁男友仔就唔打算再續租，佢見自己有啲積蓄，佢阿娘又資助佢少少，所以佢決定自己買屋，最後9月尾時，搞掂好晒就搬入新屋

仔仔爸見我係香港返o黎，仲未返工，就話去探阿姐，參觀佢哋間新屋

揸車去康州，沿途都見到有紅葉

阿姐同男友仔嘅新居，門前有萬聖節嘅裝飾

阿姐裝飾嘅信箱

見間屋前yard 後yard 都生咗好多野生啡菇菇

之前阿姐已經同我講，話佢啲鄰居好多都有養貓，仲會放佢哋出o黎週圍走，阿姐話過，如果我去探佢，佢會帶我去搵貓貓

就係阿姐間屋斜對面嗰個鄰居，就養咗2狗同4貓，兩隻狗一見陌生人就狂吠

只見其中一隻貓，初時唔肯出o黎

 兩隻狗又要驚人，又要八卦

貓狗主人出o黎同我哋打招呼，話其餘幾隻貓唔知去咗邊度玩

之後我哋向呢個neighborhood 搵其他貓貓

見到呢隻啡兔，阿姐話佢已經係呢個位置見過呢隻兔幾次

之後見到第二隻貓

後來仲一直跟住我哋唔肯走

沿途見到貓外，仲見到養係屋內嘅狗，有啲一見我哋行埋啲就吠

遇見第三隻貓，呢隻貓初時好怕人，但佢食咗幾粒零食，見無威脅，就開始比人摸，最後仲碌地比人摸

最後又係跟咗我哋一陣

遇見第三隻貓，之前佢唔睬我的，但一聽見阿姐搖個零食袋，問佢要唔要食零食，佢就走出o黎了

佢鼻上有傷痕

又係跟住我哋，最後佢碌地賣萌，哈哈

係另一間屋旁見到兩隻貓，後來隔離屋有個人走出o黎話佢哋係流浪貓o黎

再繼續去搵貓

呢隻貓阿姐見過好多次，好friendly ，仲可以抱

又係想跟人走

搵完貓，男友仔話帶我哋去附近個公園行吓，唔怪得阿姐叫仔仔爸攞大相機啦

我哋揸車一直上到公園頂，有個Castle 塔

有枝國旗，下面有幾枝射燈對住

行上塔頂，週圍都有紅黃葉，啲景色好靚呢

仲見有人帶狗狗o黎行山

初時揸車上o黎，會經過一個湖仔，但當時無位停，所以落山時，搵到個位停一停就落車影影相

之後肚餓，揸車去食嘢，之前阿姐佢哋食過，又真係唔錯食

以下呢幾相係仔仔爸影的，我覺得影得幾靚，係部機影得靚呢﹖定係仔仔爸嘅攝影技術叻咗呢﹖