天師仔臨走前,我希望佢可以撐到阿姐返嚟見佢最後一面,不過仔仔爸話見唔到仲好,佢都唔希望阿姐依家大住個肚,又趕返嚟,見到仲會更傷心
我姑仔都話︰『天師仔其實都好錫你啦,知你聽日生日今日辦好晒啲事,佢都安心走羅』,我話見唔到阿姐一面,姑仔又話︰『所以佢都係錫你地兩個囉,如果唔係見到阿姐到時都唔開心成日有呢個畫面喺個心度。』
生日正日,一直落雨,同我嘅心情一樣,無咗天師仔,已經唔駛再不停餵食,無晒嘢需要做,真係好唔習慣,但呢日阿姐會返嚟,都要準備服侍呢位“皇后”,之前仔仔爸已經熬定牛骨,煲咗蕃茄薯仔湯,我只要再煲多個零鐘就飲得,又係一大煲,畀阿姐帶番屋企飲
話晒生日,一早諗定出去食,阿姐之前已經問我想食啲咩,見天師仔咁樣,唔想去遠,我都話係番唐人街食就算,我話想食韓式人蔘雞湯,所以去咗食韓國餐
食完飯返到屋企,奇哥又成日黐實阿姐
見阿姐返嚟咁開心,我就開吱吱醬條畀貓地食
星期日朝早,仔仔爸整通粉做早餐,Mango 仔嗅到火腿同午餐肉味,又嚟哄住晒,阿姐又請少少火腿佢食
阿姐幫Chewy 梳吓毛,同Chewy 增進感情
奇哥又黐實阿姐
仔仔爸見阿姐返嚟,就叫敏姐上嚟食Lunch,畀佢見吓阿姐,敏姐嚟到都話再見唔到天師仔,傷心,敏姐封咗大利是畀阿姐,仔仔爸都係買咗啲敏姐鍾意食嘅order 返嚟
星期一,阿姐帶我去Mid Town 一個食東南亞美食嘅 Food Court 度食嘢
個喇沙同咖喱雞飯,價錢同份量都唔成正比,份量真係少得可憐
個Food Court 離42 街火車站唔遠,食完就一齊行去42 街站,我就轉subway 返屋企,返到屋企就send 相畀阿姐睇
阿姐返到屋企又send相畀我睇
雖然無咗天師仔,真係好sad,好彩有其他貓地會安慰住我
所有事都有時有刻
回覆刪除天師仔已完成今世旅程
在最適當的時間坐熱氣球升空
在世的
不論苦與樂
始終要繼續向前行
仲係未習慣無咗佢既身影
刪除生日快樂仔仔媽!祝妳健健康康!心想事成!見到蛋糕店相,有冇襯生日食下呀?
回覆刪除我也同意仔仔爸的想法,而且阿姐一個人來來回回,她太傷心,你們亦只會更擔心。
多謝,嗰間係Lady Wong既蛋糕,同Lady M一樣價錢,阿姐話下次佢經過至買返嚟試吓
刪除生日快樂~~
回覆刪除時間是療傷的好幫手, 俾D時間自己心情沈澱下, 天師仔都唔想見到你日日唔開心
多謝,其實比起Marble 仔走時,今次無咁難過,可能有心理準備啦,不過靜落嚟既時候,諗起我最後抱抱佢時,都會眼濕
刪除奇哥真係好黐實阿姐!
回覆刪除佢真係好鍾意阿姐呢
刪除天師仔雖然離去,但永留在你心中,take care !
回覆刪除佢永遠係我心同回憶裡面
刪除