呢篇講吓我住係三家姐度，即係大窩口，其實我娘家係石硤尾大坑東，因為阿姐唔鍾意住阿婆家嫌悶，鍾意住三姨媽屋企，所以就去咗三家姐度，而我就間中返娘家住陪阿娘，但三年前阿娘過咗身，娘家得番大哥住，所以今次返o黎只會住係三家姐度
由紐約返香港o既時間搭零晨機，所以返到香港時係晨早六點，返到大窩口放低行李，就落茶餐廳食早餐
係飛機上已經無咩點瞓，但返到o黎又唔敢瞓，驚夜晚又瞓唔到，食完早餐就去荃灣行吓囉
經過一間寵物用品店，見到有貓
裡面仲有隻貴婦狗
仲有隻刺蝟，呢隻仲大隻過阿姐個roommate嗰隻豬呢
又去荃灣廣塲，行吓一田咁啦
某日，去藥房買藥，藥房貓呢
阿姐食咗幾日茶餐廳，食到厭厭地，佢又開始瞓到晏，我哋又會走去荃灣搵食，有時我又就吓阿姐食吓西餐呢
食完嘢又週圍行，呢隻係中藥店貓
呢隻係金魚舖貓，瞓咗係個魚缸入面
又行其他商塲，又週圍影佢鍾意o既嘢
荃灣有幾間出入口時裝店，又俾阿姐執到平衫，有啱又買俾男朋友仔，呢件好得意，只係幾十蚊
有時無約人，就同三家姐去楊屋道街市買餸煮飯食，試過買嘢返去扮韓燒，哈哈
最正都係啲生果，又平又靚，啲榴槤好平，呢次返o黎香港真係食唔少，上次返香港時阿姐試過食蓮霧，一食愛上咗，今次返o黎又係狂食
有時見啲西餅靚想食又買返去食
原來三家姐個鄰居都有養貓，好乖唔為食，請佢食零食都唔食
呢日係最後一日，搭下午機，阿姐話早餐要食多一次奶油豬，二哥特登o黎陪我食埋早餐至走
臨去機場時，先陪阿姨去酒樓飲下午茶，阿姐影張相send俾佢老豆睇
再見了大窩口
入閘了，唔知下次幾時再返o黎呢
好彩 E+ 科技發達, 有 whatsapp、wechat, 就算相隔幾遠都, 都可以成日見到, 不過, 直接返嚟梗係仲好啦, 希望你唔需要隔好耐, 再返嚟玩吓, 見下屋企人、朋友咁啦
回覆刪除我都希望啦
刪除好快妳地就會再來的，到時又可以同親朋戚友玩過。
回覆刪除希望啦，第日阿姐畢咗業搵到嘢做就未必可以返咁耐
刪除下次返黎香港再食過再買過！XD
回覆刪除係香港買嘢食嘢都咁方便，真係返幾耐都覺唔夠
刪除年少時也曾在大窩口流連過，後來舊式屋宇拆了重建，起了很多又高又密的新樓，反而很少去了。
回覆刪除聽妳咁講，真係好多年前的事了
刪除等妳再返嚟同妳哋週圍去食野
回覆刪除好呀
刪除香港咁多野食，咁多野睇，寫多多都有得寫呀。多謝分享。
回覆刪除多謝妳睇我啲無聊相
刪除寫左三十幾篇咁多架啦，勁呀!
回覆刪除如果俾我一定冇咁既恆心
三家姐個鄰居隻貓好似我細B呀
我都估唔到可以寫到咁多篇，我唔係有恆心o架，驚有排都講唔完，至迫自己拿拿淋出晒佢，嗰隻貓係貓女，都幾嬌小玲瓏
刪除犀利, 三十幾篇, 滿滿的回憶, 長長的假期, 正.
回覆刪除難得可以返兩個月，但仲有好多地方想去
刪除水果真係算平 , 估唔到你兩個咁鐘意食榴槤呢~!!
回覆刪除香港啲生果品種又多，又平，阿姐都算係非一般的“竹昇”，連榴槤都鍾意食
刪除